ECLESIASTÉS 1:13 - Biblia Guarani Tumpa Iñee

¹³ añeñono opaete chepɨa ndive aeka jare aikuaa kavi vaerä arakuaa katu reve, opaete kuae ɨvɨ pe mbaembae oyeapo vae re. ¡Kuae mbaravɨkɨ tätagüe Tumpa omee kuimbae reta pe vae, jese oyemoambeko reta vaerä!

ECLESIASTÉS 1:13 ပူးပေါင်းရင်းမြစ်များ

GÉNESIS 3:19

Nderɨaipoagüe rekaruta, jökorai reo ye regua reyea ɨvɨ ndive, echa ɨvɨ güi ko reyeapo; ɨvɨkúi ko nde, jare ɨvɨkuirä ko reo yeta.

JOB 28:3

Kuimbae reta omboesape pɨtumimbi yae vae reta, ogüeyɨ reta ɨ́vɨkotɨ pɨtumimbi yaea pe, jare joko pe oeka ita reta.

SALMOS 111:2

YandeYa jembiapo reta tuichagüe ko, oaɨu vae reta jókuae oeka.

PROVERBIOS 18:1

Jae aeño ipɨapotaa oeka vae, jae aeño oiko, jare oyemoinge oipotagüe mbae pe.

PROVERBIOS 18:15

Yarakuaa vae, oväe arakuaa katu, yarakuaa vae, oeka arakuaa.

PROVERBIOS 23:26

Cheraɨ, eyeapɨsaka ndepɨa reve cheré, jare emae kavi kërai ko che aiko vae re;

PROVERBIOS 25:2

Tumpa iyemboetea jae ko mbae yaikuaambae vae, ërei mburuvicha guasu iyemboetea jae ko oyemboe vaerä jese.

PROVERBIOS 4:7

Embotenonde arakuaa ndeyeupe, opaete mbaembae renoi vae güi, eväe arakuaa katu.

ECLESIASTÉS 1:17

Añeñono opaete chepɨa ndive aikuaa vaerä arakuaa, añeñono vi aikuaa vaerä mbokere reta regua jare arakuaambae regua; jökorai aikuaa opaete kuae reta re yayemoambekoiño ma vae.”

ECLESIASTÉS 11:5

Mbaetɨ reikuaa kerupi ko ojo ɨvɨtu, ani mbaetɨ vi reikuaa michia kërai ko okuakuaa ichɨ jɨe pe vae; jökorai ko mbaetɨ etei reikuaa Tumpa jembiapo reta regua, jókuae opaete mbaembae iyapoa.

ECLESIASTÉS 12:12

Cheraɨ, eendu yemboarakuaa ndeyeupe. Tembikuatía iyapo opambaei ko, jare jeta ete yayemboe vae, yandemokangɨ ko.

ECLESIASTÉS 2:23

Echa opaete ara oikove oiko ramboeve oiporara, iparavɨkɨ rupi oyemoambeko yae; pɨ̈tu yave ave mbaetɨ oputuu kavi oyemongeta güi. ¡Kuae mbaeä etei vi!

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ECLESIASTÉS 3:10

Che aecha mbaravɨkɨ Tumpa omee kuimbae reta pe vae, oyemokangɨi pɨpe vaerä.

ECLESIASTÉS 3:11

Jae ipöra oyapo opaete iara pe kavi; oñono vi kuimbae reta ipɨa pe oiko avei ko vae, yepe tëi mbaetɨ opaete oikuaa reta Tumpa oyapo iyɨpɨ güive vae, jare oyapota vae.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 7:25

Jayave añeñono aikuaa kavi vaerä, ayemboe jare aeka arakuaa ikavigüe. Jare ayu aikuaa mbaetɨ ko ikavi yandearakuaambae vae jare mbokere ko yandearakuaambae vae.

ECLESIASTÉS 8:9

Opaete kuaekuae aecha, añeñono ramboeve aikuaa vaerä opaete mbaembae kuae ɨvɨ pe oyeapo vae, jare kuimbae güɨnoi mbaepuere ïru reta re vae rupi oyapo ikavimbae iyeupe.

1 Timoteo 4:15

Eyemoambeko avei kuae mbaembae reta re, agüɨye eeya, oyekuaa vaerä opaete vae pe ikavi yae ko jókuae reyemboe vae.