DEUTERONOMIO 9:9 - Biblia Guarani Tumpa Iñee

⁹ Che ayeupi yave amboresive vaerä ita ipe vae, oyekuatía jese morogüɨrökuavee päve yandeYa oyapo pe ndive vae, jayave ɨvɨtɨ pe aiko cuarenta ara jare cuarenta pɨ̈tu, akarumbae jare aɨumbae.

DEUTERONOMIO 9:9 ပူးပေါင်းရင်းမြစ်များ

1 REYES 19:8

Jare opüa okaru jare oɨu; jókuae tembíu omomɨ̈rata, jare oguata cuarenta ara jare cuarenta pɨ̈tu, ojo regua oväe Horeb pe, Tumpa iɨvɨtɨ re.

2 REYES 6:22

Ërei Eliseo jei chupe: —Agüɨye eyuka reta, ¿reyukata pa tembipɨɨrä reyapouka reta ndekɨsepuku pe jare nderuvɨ pe vae? Emee tokaru jare toɨu reta, javoi topa ye toyogüɨraja juvicha guasu reta kotɨ.

ÉXODO 24:12

Jayave yandeYa jei Moisés pe: —Eyeupi eyu chekotɨ ɨvɨtɨ re, cheräro joko pe, ameeta ndeve ita ipe vae; mborookuai reta aikuatía amboe reta vaerä.

ÉXODO 24:15

Jayave Moisés oyeupi ojo ɨvɨtɨ re, jare amapɨtu opa oyasoi ɨvɨtɨ.

ÉXODO 24:18

Jare Moisés oike amapɨtu iyɨvɨte pe, oyeupi ɨvɨtɨ re; Moisés oiko ɨvɨtɨ re cuarenta ara jare cuarenta pɨ̈tu.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

ÉXODO 34:28

Moisés opɨta yandeYa ndive joko pe cuarenta ara jare cuarenta pɨ̈tu, okarumbae jare oɨumbae; jare oikuatía ita ipe vae re ñee reta morogüɨrökuavee päve pegua, payandepo mborookuai reta.

San Mateo 4:2

Jare Jesús cuarenta ara rupi ma oyekuaku tembíu güi yave iyɨmbɨaɨ.

Gálatas 4:24

Jare kuae ko yembojaanga. Echa kuae kuña reta oyembojaanga jókuae mókoi morogüɨrökuavee päve re. Metei morogüɨrökuavee päve ko jae ɨvɨtɨ Sinaí re oñemee vae. Kuae ko oyembojaanga Agar re, jare iñemuña reta oa ko tembiokuai.

DEUTERONOMIO 8:3

Jare oiporarauka peve, jare pemboyɨmbɨaɨuka, ërei pemongaru maná pe, tembíu mbaetɨ peikuaa vae, jare peñemuñagüe reta ave mbaetɨ oikuaa vae, jökorai oikuaauka vaerä peve, kërai mbɨyape reñoä ko kuimbae oikoveta, jaeño opaete yandeYa jei vae re ko kuimbae güɨnoita tekove.

DEUTERONOMIO 9:11

Jare oasa yave cuarenta ara jare cuarenta pɨ̈tu, yandeYa omee cheve mókoi ita ipe vae, morogüɨrökuavee päve pegua,

DEUTERONOMIO 9:15

Agüeyɨ ɨvɨtɨ jókuae jendɨ vae güi yave, aru chepo pe mókoi ita ipe vae morogüɨrökuavee päve pegua.

DEUTERONOMIO 9:18

Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.