DEUTERONOMIO 9:7 - Biblia Guarani Tumpa Iñee

⁷ Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

DEUTERONOMIO 9:7 ပူးပေါင်းရင်းမြစ်များ

ÉXODO 14:10

Jare Faraón köi ma ou chugüi reta yave, Israel iñemuña reta omopüa iñäka, jare oecha Egiptoɨgua reta yogüeru jaɨkue yave okɨɨye yae ete reta, jare jäse reve oyerure reta yandeYa pe.

ÉXODO 14:11

Jei reta Moisés pe: —¿Mbaetɨ pa tɨvɨa renda Egipto pe orerenoe vaerä opa romano ñuu rupi? ¿Maera pa körai oreapo, opa orerenoe Egipto güi?

ÉXODO 16:2

Opaete Israel iñemuña reta iñeenguru Moisés jare Aarón kotɨ kuae ñuu pe.

ÉXODO 17:2

Javoi iñeengeta reta Moisés pe, jei reta chupe: —¡Emee ɨ rou vaerä! Jare Moisés jei chupe reta: —¿Maera pa peñeengeta cheve? ¿Maera pa pejäa yandeYa?

ÉXODO 23:21

Agüɨye pesɨrɨ chugüi, peendu iñee; agüɨye pepɨarai chupe, echa jae ngaraa iñɨ̈ro peve pepɨarai vae re, echa cherekovia pe jae oï.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

JEREMÍAS 11:10

Iyoa reta iñemuñagüe reta iyoa rami, echa jae reta mbaetɨ oipota oyeapɨsaka cheñee reta re, omboete reta tumpa-raanga reta. Judá jare Israel mbaetɨ omboete morogüɨrökuavee päve ayapo iñemuñagüe reta ndive vae.

JEREMÍAS 32:30

Iyɨpɨ güive ɨvɨ Israel pegua reta jare ɨvɨ Judá pegua reta oyapo avei ikavimbae cheróvai; chemboarasɨuka reta itumpa-raanga reta, jae reta aeño oyapo iyeupe vae rupi. Che peYa jae kuae.

JEREMÍAS 44:9

¿Peäkañɨ ma pa opaete ikavimbae oyapo peñemuñagüe reta vae güi, jare ikavimbae oyapo mburuvicha guasu reta Judá pegua vae jare jembireko reta, jare pe reta etei jare perembireko reta vi oyapo ikavimbae yae vae ɨvɨ Judá pe jare kaye Jerusalén pegua rupi vae güi?

EZEQUIEL 20:13

Ërei Israel iñemuña reta oyembopɨapochɨ chekotɨ ñuu pe; jare mbaetɨ yogüɨreko reta cheporookuai reta rupi, güɨröɨro reta, kia oendu jare oyapo yave oikoveta vae; omboeteä reta cheara reta mbutuu pegua. Jáeramo ayemongeta aitɨ vaerä chearasɨ jese reta ñuu pe, opa vaerä amokañɨtei reta.

EZEQUIEL 20:43

Joko pe pemaenduata opaete pereko ikavimbae re, jare peyapogüe rupi peyemongɨa pɨpe vae re; jare pe aeño peñemotareɨta jeta mbaeyoa peyapo vae jeko pegua.

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

NÚMEROS 11:4

Ketɨgua reta oyea Israel iñemuña reta ndive vae, imaendúa reta jembíu reño, jare Israel iñemuña reta oyaeo vi jae reta rami, jare jei reta: “¡Kia mona omee soo yau vaerä!

NÚMEROS 14:22

Opaete oecha reta cheyemboetea vae, mɨakañɨ ayapo Egipto pe vae, ñuu rupi vae, jare ojäa reta tëi chepɨaguasu payandepo ye ma vae, jare mbaetɨ oendu reta cheñee vae,

NÚMEROS 17:10

Jare yandeYa jei Moisés pe: “Eraja ye Aarón ipopoka käjou yemomaendúa pegua jóvai, oñeñovatu vaerä ipɨarai vae reta oecha vaerä. Jökorai emokïrii cheróvai güi, agüɨye vaerä omano reta.”

NÚMEROS 21:5

Jare opaete vae iñeenguru Tumpa kotɨ jare Moisés kotɨ, körai: —¿Maera pa orereru ɨvɨ Egipto güi romano vaerä kuae ñuu rupi? Echa mbaetɨ tembíu jare ɨ ave. ¡Orembogüérai ma kuae maná jëe ngatumbae!

NÚMEROS 25:2

jókuae kuña reta oparea chupe reta yogüɨraja vaerä itumpa-raanga pe mbota omee retaa pe. Israel iñemuña reta okaru jare omboete jókuae tumpa-raanga reta,

1 Corintios 15:9

Echa che ko jae metei temimondo michi yae vae; mbaetɨ jupi ayembojee vaerä temimondo pe, echa ayapo yepi ikavimbae vae Tumpa re oporogüɨrovia vae reta pe.

Efesios 2:11

Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,

DEUTERONOMIO 31:27

Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

DEUTERONOMIO 9:24

¡Che amboɨpɨ pokuaa güive pepɨapochɨ reteiño yandeYa kotɨ!

DEUTERONOMIO 9:4

Jare yandeYa Tumpa opa ma omoë omombo peróvai güi yave, agüɨye peyemongeta pepɨa pe körai: Jupi vae yayapo ramo ko yandeYa yandereru yaiko vaerä kuae ɨvɨ pe; yandeYa ko opa omoë omombo kuae tëtaguasu reta peróvai güi imbaeyoa jeko pegua.