DEUTERONOMIO 9:3 - Biblia Guarani Tumpa Iñee

³ Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

DEUTERONOMIO 9:3 ပူးပေါင်းရင်းမြစ်များ

ÉXODO 23:23

Echa chearaɨgua ojota perenonde, jare pererajata amorreo, heteo, ferezeo, cananeo, heveo jare jebuseo reta iɨvɨ pe; kuae reta che opata amboaiuka.

ÉXODO 24:17

YandeYa iyemboetea oyekuaa tata tuicha yae vae rami ɨvɨtɨ iyapɨte re, opaete Israel iñemuña reta jovake.

ISAÍAS 27:4

Mbaetɨ chearasɨ aï ikotɨ, oime yave ñurati jare ñana pɨpe, opata ko aekɨ, jare opaeteita ko aapɨ.

ISAÍAS 30:27

Mase, yandeYa ou matɨ güi; iyarasɨ jendɨ tata yavaete yae vae rami, jembe re oyekuaa iyarasɨ vae, jare ikü tata yavaete yae vae rami,

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

MIQUEAS 2:13

Tape oipea vae, ojota jae reta jenonde; jare jae reta yogüɨrajata jaɨkue; jare oë retata tëta guasu jöke rupi. YandeYa, jae reta juvicha guasu ojota opaete vae jenonde.

San Mateo 15:10

Jare Jesús oenɨi ikotɨ jeta vae reta, jare jei chupe reta: —Peyeapɨsaka, peikuaa kavi vaerä.

San Marcos 7:14

Jesús oenɨi ikotɨ jeta vae reta, jare jei chupe: —Peyeapɨsaka cheré opaete vae reta, peikuaa kavi vaerä.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

Efesios 5:17

Jáeramo, agüɨye peiko pearakuaambae, ërei peikuaa kavi yandeYa jemimbota.

DEUTERONOMIO 1:30

YandeYa Tumpa ko ojota perenonde, jae oñorarota peré, peecha Egipto pe oyapo rami.

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

DEUTERONOMIO 20:4

echa yandeYa Tumpa ko ojo pe ndive, oñoraro vaerä peré perovaicho reta ndive, pereroasayepe vaerä.’

DEUTERONOMIO 4:24

Echa yandeYa Tumpa ko, Tumpa jägüɨro vae, ¡tata oporomboai vae rami ko!

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

DEUTERONOMIO 7:22

Jare yandeYa Tumpa mbegüe mbegüe pe omoëta omombo pepɨte güi kuae tëtaguasu reta, ngaraa opa voi pemokañɨ pepɨte güi, echa mɨmba pochɨ vae kaa rupigua oñemuñata jare oporepeñata peré.

DEUTERONOMIO 9:6

Jáeramo, ikavi ko peikuaa mbaetɨ ko pereko kavi rupi yandeYa Tumpa omee peve pepɨ̈ro vaerä ɨvɨ kavi vae, echa pe reta ko ipɨa täta yae vae.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 12:29

echa ñaneTumpa ko tata opaetei oapɨ mbae oeya vae rami vae.

JOSUÉ 11:12

Jökoraiño vi Josué oyapo opaete ïru tëta guasu reta, tëta guasu Hazor ndive oyapo reta ñemoïru vae: Opɨ̈ro jare oyuka kɨsepuku pe opaete juvicha guasu reta, jare opa omboai Moisés, yandeYa jembiokuai oyókuai rami.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JOSUÉ 14:12

Jayave emee cheve jókuae ɨvɨtɨ guasu yandeYa imiari jese vae. Nde reikuaa jókuae ara rupi Anac iñemuña reta yogüɨreko joko pe vae, jare oime tëta guasu reta tuicha yae vae jare oñekëse kavi yae vae. Ërei aäro yandeYa oï vaerä che ndive, anoe vaerä amombo reta joko güi, yandeYa jei rami.”

JOSUÉ 3:11

Mase, käjou morogüɨrökuavee päve pegua, yandeYa opaete ɨvɨ iya imbae oasata perenonde ɨ̈aka Jordán.

JOSUÉ 3:14

Opaete vae reta opa güire yogüɨraja teyupa güi oasa reta vaerä ɨ̈aka Jordán, sacerdote reta güɨraja käjou morogüɨrökuavee päve pegua, opaete vae reta jenonde,

JUECES 4:14

Jayave Débora jei Barac pe: —¡Epüa, echa kuae ara ko yandeYa omeeta ndepo pe Sísara! ¡YandeYa ojo ma perenonde! Jare Barac ogüeyɨ ɨvɨtɨ Tabor güi diez mil isundaro ndive,