DEUTERONOMIO 9:27 - Biblia Guarani Tumpa Iñee

²⁷ Nemaendúa nderembiokuai Abraham, Isaac jare Jacob re, agüɨye emae kuae tëta ipɨa täta vae re, ani iTumpa potambae re, ani iyoa re,

DEUTERONOMIO 9:27 ပူးပေါင်းရင်းမြစ်များ

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

SALMOS 130:3

CheYa, remae mbaeyoa reta yave, ¿kia pa ipuereta oï nderóvai?

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

ÉXODO 13:5

kuae yasɨ pe etei peyapota arete, yandeYa pereraja ma peñono jókuae ɨvɨ kavi yae vae pe yave, jae ko cananeo, heteo, amorreo, heveo, jare jebuseo reta iɨvɨ, peñemuñagüe reta pe jae oñererökuavee omee vaerä peve vae pe.

ÉXODO 3:16

Ekua, jare emboatɨ Israel iñemuña reta itenondegua reta, jare ere chupe reta: “YandeYa, peñemuñagüe Abraham, Isaac jare Jacob iTumpa oyekuaa cheve jare jei añetete outa ko pemborɨ vae, oecha ko opaete Egiptoɨgua reta oyapo pekotɨ vae.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

PROVERBIOS 21:12

Tumpa omae jupimbae jo re; jare omee yogüɨreko vaerä ikavimbae rupi.

JEREMÍAS 14:21

¡Nderee reaɨu jeko pegua, agüɨye oremombo; agüɨye eröɨro tëta guasu ndeporookuaía mbaemboete pegua oïa! ¡Nemaendúa morogüɨrökuavee päve reyapo ore ndive vae re, agüɨye emboasaiño jökorai!

JEREMÍAS 50:20

Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

LEVÍTICO 26:42

che chemaenduata morogüɨrökuavee päve ayapo Jacob ndive, Isaac ndive, jare Abraham ndive vae re, jare chemaenduata vi peɨvɨ re.

LEVÍTICO 26:45

Chemaenduata morogüɨrökuavee päve ayapo peñemuñagüe reta ndive vae re, Egipto güi pogüɨnoe yave opaete ɨvɨ pegua reta jovake, aiko vaerä peTumparä. Che ko jae peYa.”

DEUTERONOMIO 9:26

jare ayerure yandeYa pe, jae reve: ‘CheYa Tumpa, agüɨye emboai ndembae vae reta, nde reepɨ ndembaepuere tuicha yae vae rupi, Egipto güi renoe ndembaepuere yae pe.

DEUTERONOMIO 9:28

agüɨye vaerä jei ɨvɨ orerenoe chugüi vae pegua reta: Tumpa mbaetɨ ipuere güɨroike reta ɨvɨ güɨrökuavee chupea pe, ani ipuere jei reta: Echa omotareɨ reta ramo güɨnoe güɨraja opa oyuka ñuu pe.

1 SAMUEL 25:25

Agüɨye eyapo Nabal jei vae; jae jee rami etei ko jeko. Echa jae ko jee Nabal, jare yarakuaambae oiko. Ërei che nderembiokuai mbaetɨ ko aecha jókuae kunumi reta rembou vae.