DEUTERONOMIO 9:19 - Biblia Guarani Tumpa Iñee

¹⁹ Echa che akɨɨye yandeYa iyarasɨ yae pekotɨ pemboai vaerä vae güi; ërei yandeYa oendu ye cheve.

DEUTERONOMIO 9:19 ပူးပေါင်းရင်းမြစ်များ

SALMOS 106:19

Horeb pe oyapo reta iyeupe toro taɨrusu vae iä, oyetavatɨka reta mbae iä oro oyemondɨkuigüe pe oyapo reta vae jóvai.

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

SALMOS 78:59

Tumpa oecha kuae jare iyarasɨ yae, jare güɨröɨro yeyé Israel.

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

ÉXODO 32:14

Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

ÉXODO 33:17

Jare yandeYa jei ye Moisés pe: —Ayapota vi kuae rere vae, chepɨakatu ndekotɨ jeko pegua, echa rokuaa katu ko.

ÉXODO 34:10

Tumpa jei chupe: “Mase, che ayapo morogüɨrökuavee päve opaete vae jovake, jare ayapota mɨakañɨ reta mbaetɨ oyeapo ɨvɨ pe vae, metei tëtaguasu pe ave mbaetɨ oyeapo vae, jare che peYa jembiapo oechata opaete vae, nde reï ipɨte pe vae reta, echa mɨakañɨ tuicha yae ete vae ko che ayapota nde ndive.

NÚMEROS 11:2

Jayave opaete vae osapúkai Moisés pe, jare Moisés oyerure yandeYa pe, jare tata ogüe.

DEUTERONOMIO 10:10

Jare che aiko ɨvɨtɨ re tenonde yave aiko rami, cuarenta ara jare cuarenta pɨ̈tu, oendu yandeYa cheve cheyerure jare mbaetɨ pemboai.

DEUTERONOMIO 11:17

Echa yandeYa iyarasɨta pekotɨ, jare oyopiata ama ara güi agüɨye vaerä oime mbaagüɨye ɨvɨ pe, jare opa pekañɨtei ɨvɨ kavi yandeYa omee peve vae güi.

DEUTERONOMIO 9:20

Aarón kotɨ yandeYa iyarasɨ yae vi, oipota omboai, jayave che ayerure vi Aarón re;

DEUTERONOMIO 9:8

Ɨvɨtɨ Horeb pe pemboarasɨuka yandeYa Tumpa peyeupe, jare iyarasɨ pekotɨ pemboai vaerä.

Hebreos 12:21

Jare jókuae oyekuaa vae yavaete yae ramo Moisés jei: “Arɨrɨi yae akɨɨye ramo.”