DEUTERONOMIO 9:18 - Biblia Guarani Tumpa Iñee

¹⁸ Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.

DEUTERONOMIO 9:18 ပူးပေါင်းရင်းမြစ်များ

2 SAMUEL 12:16

Jayave David omoñera Tumpa michia raɨ re; jare oyekuaku tembíu güi, oike jo pe jare oyapakua ɨvɨ re, jökorai iköe.

1 REYES 19:8

Jare opüa okaru jare oɨu; jókuae tembíu omomɨ̈rata, jare oguata cuarenta ara jare cuarenta pɨ̈tu, ojo regua oväe Horeb pe, Tumpa iɨvɨtɨ re.

ESDRAS 10:6

Javoi Esdras ojo Tumpa jo jóvai güi, jare oike Johanán, Eliasib taɨ jo pe, jare joko pe opɨta, mbaetɨ okaru jare oɨu, echa ipɨatɨtɨ yae tembipɨɨ güi oyerova ye vae reta iyoa re.

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

ÉXODO 34:28

Moisés opɨta yandeYa ndive joko pe cuarenta ara jare cuarenta pɨ̈tu, okarumbae jare oɨumbae; jare oikuatía ita ipe vae re ñee reta morogüɨrökuavee päve pegua, payandepo mborookuai reta.

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

DEUTERONOMIO 10:10

Jare che aiko ɨvɨtɨ re tenonde yave aiko rami, cuarenta ara jare cuarenta pɨ̈tu, oendu yandeYa cheve cheyerure jare mbaetɨ pemboai.

DEUTERONOMIO 9:17

jayave amombo mókoi reve chepo pe aru ita ipe vae, jare ayoka perovake.

DEUTERONOMIO 9:25

Ayetavatɨka yandeYa jóvai cuarenta ara jare cuarenta pɨ̈tu, echa yandeYa jei ko opa vaerä pemokañɨtei,

DEUTERONOMIO 9:9

Che ayeupi yave amboresive vaerä ita ipe vae, oyekuatía jese morogüɨrökuavee päve yandeYa oyapo pe ndive vae, jayave ɨvɨtɨ pe aiko cuarenta ara jare cuarenta pɨ̈tu, akarumbae jare aɨumbae.