DEUTERONOMIO 9:12 - Biblia Guarani Tumpa Iñee

¹² jare jei cheve: ‘Epüa, egüeyɨ jarembae kuae güi, echa tëta renoe Egipto güi vae jopa. Jarembae yae opa opia reta che ayókuai vae güi, oyapo reta iyeupe metei mbae iä jiero oyemondɨkui vae pegua.’

DEUTERONOMIO 9:12 ပူးပေါင်းရင်းမြစ်များ

SALMOS 78:57

iñemuñagüe reta rami oyembopɨapochɨ reta, ¡ñape reta, güɨrapa oyepokuaa ñape rami!

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

OSEAS 6:4

YandeYa jei: “¿Mbae ra ayapota ndeve Efraín? ¿Mbae ra ayapota ndeve Judá? Echa pe reta cheraɨu vae, ndeimbove yave ɨ̈vɨti oime vae rami ko, jare köe yave ɨsápɨi opa otini vae rami ko.

Gálatas 1:6

Chepɨakañɨ yae kërai ɨmambae yae peyembosɨrɨ Tumpa peparavo Cristo ipɨakavi rupi vae güi, perovia vaerä mboromboe ambuaeyee vae re.

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

DEUTERONOMIO 32:5

Mbaetɨ oñeväe jese ikavimbae, taɨ reta ko iyoa, jeko pɨ̈chɨi jare ipɨapochɨ vae reta ko.

DEUTERONOMIO 4:16

agüɨye vaerä peñererokomegua agüɨye peyapo mbae iä peyeupe; kuimbae iä ani kuña iä,

DEUTERONOMIO 5:15

Pemaendúa peikose tembiokuai ɨvɨ Egipto pe vae re, jare peYa Tumpa perenoe joko güi imbaepuere pe, jáeramo peYa Tumpa peokuai peñovatu vaerä ara mbutuu pegua.

DEUTERONOMIO 9:16

Jare amae yave pekotɨ aecha peyoa yepe yandeYa Tumpa kotɨ, peyapo peyeupe toro taɨrusu vae iä jiero oyemondɨkui vae pegua, pepia aramoete yandeYa peokuai tëi vae güi,

DEUTERONOMIO 9:26

jare ayerure yandeYa pe, jae reve: ‘CheYa Tumpa, agüɨye emboai ndembae vae reta, nde reepɨ ndembaepuere tuicha yae vae rupi, Egipto güi renoe ndembaepuere yae pe.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’

Judas 1:10

Ërei mboromboe añetembae re oporomboe vae reta jei ñee ikavimbae vae oikuaambae vae kotɨ. Jae reta mɨmba reta oikuaa ramiño ko oikuaa. Echa yogüɨreko jei vae reño.

JUECES 2:17

Ërei Israel iñemuña reta mbaetɨi oyeapɨsaka jókuae mburuvicha reta re, oguata reta tumpa ambuae reta jaɨkue, jare jókuae omboete reta. Jarembaeño opia reta iñemuñagüe reta oyapose Tumpa iporookuai vae güi.