DEUTERONOMIO 9:11 - Biblia Guarani Tumpa Iñee

¹¹ Jare oasa yave cuarenta ara jare cuarenta pɨ̈tu, yandeYa omee cheve mókoi ita ipe vae, morogüɨrökuavee päve pegua,

DEUTERONOMIO 9:11 ပူးပေါင်းရင်းမြစ်များ

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

NÚMEROS 10:33

Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

DEUTERONOMIO 9:9

Che ayeupi yave amboresive vaerä ita ipe vae, oyekuatía jese morogüɨrökuavee päve yandeYa oyapo pe ndive vae, jayave ɨvɨtɨ pe aiko cuarenta ara jare cuarenta pɨ̈tu, akarumbae jare aɨumbae.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.