DEUTERONOMIO 8:2 - Biblia Guarani Tumpa Iñee

² Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

DEUTERONOMIO 8:2 ပူးပေါင်းရင်းမြစ်များ

GÉNESIS 22:1

Opa kuaekuae reta oasa güire, Tumpa ojäa Abraham iporogüɨrovia jare oenɨi jee pe; jare Abraham jei: —Mbae pa cheYa.

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

2 CRÓNICAS 33:12

Ërei oecha oiko ma mbɨatɨtɨ rupi yave oyerure iYa Tumpa pe, oñemomichi yae reve iñemuñagüe reta iTumpa jóvai.

2 CRÓNICAS 33:19

Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

NEHEMÍAS 9:19

ërei nde, ndeporoparareko yae jeko pegua mbaetɨ reeya reta ñuu rupi. Jókuae metei jɨsɨ amapɨtu vae mbaetɨ osɨrɨ jae reta iárambo güi ara pe, güɨroata vaerä tape rupi, jare pɨ̈tu yave metei jɨsɨ tata ara re vae, omoembipe vaerä chupe reta tape yogüɨrajataa rupi.

JOB 33:17

opia vaerä jembiapo ikavimbae güi, agüɨye vaerä oyemboete.

SALMOS 103:2

Tamboete cheYa, opaete chepɨa ndive; agüɨye tacheakañɨ metei iporerekua güi ave.

SALMOS 106:7

Egipto pe mɨakañɨ reta tuichagüe reyapo vae mbaeä etei oreñemuñagüe reta pe; mbaetɨ imaendúa reta ndeporoparareko yae ko vae re, Ɨguasu Pɨ̈ta vae jembeɨ pe oyembopɨapochɨ reta ndekotɨ.

SALMOS 136:16

Oyangareko imbae vae reta re ñuu rupi vae, echa iporoparareko jekuae avei vae ko.

SALMOS 77:11

Chemaenduata cheYa kërai mbaembae oyapogüe re, jókuae arakae yave oyapogüe re.

SALMOS 81:7

Resapúkai reyerure mbɨatɨtɨ iara pe jare che roepɨ; amboyevɨ ndeve ararɨapu rupi; rojäa ɨ Meriba jembeɨ pe.

ÉXODO 15:25

Jare Moisés oyerure yandeYa pe, jare yandeYa oechauka chupe metei ɨvɨra; jókuae oitɨ ɨ pe, jare ombokavi ɨ. Jare joko pe yandeYa omee chupe reta mborookuai reta, joko pe ojäa jae reta iporogüɨrovia;

ÉXODO 16:35

Jökorai Israel iñemuña reta jou maná cuarenta año rupi, opa yogüɨraja oväe regua ɨvɨ kia oime yogüɨrekoa pe; maná jou reta yogüɨreko, opa regua yogüɨraja oväe reta ɨvɨ Canaán jembeɨ pe.

ÉXODO 16:4

YandeYa jei Moisés pe: —Mase, che ambouta ara güi mbɨyape ama okɨ rami; toë tomonoo reta ara ñavo jókuae ara jou vaeräño, aikuaa vaerä oyapo ra ko cheporookuai vae ani mbaetɨ ra vae.

ÉXODO 20:20

Jare Moisés jei chupe reta: —Agüɨye pekɨɨye; echa pekuaa vaerä ou Tumpa, peipoɨu vaerä chugüi, agüɨye vaerä peyoa.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

EZEQUIEL 20:19

Jae chupe reta: Che ko jae peYa Tumpa. Peiko cheporookuai reta jeigüe rupi, peñovatu pepɨa pe jare peyapo,

AMÓS 2:10

Che ko pogüɨnoe ɨvɨ Egipto güi, jare pogüɨroata ñuu rupi cuarenta año, peike vaerä pepɨ̈ro peyeupe amorreo reta iɨvɨ.

NÚMEROS 14:33

pemichia reta yogüɨrekota vecha iyangarekoarä, oguatata yogüɨreko kuae ñuu rupi cuarenta año rupi, jae reta oiporarata pepɨapochɨ reta, opa regua okañɨtei perete kuae ñuu rupi.

San Lucas 18:14

Che jae peve, Tumpa iñɨ̈ro jókuae mburuvicha peguarä okovara vae pe iyoa re, jökorai ojo ye jëta pe. Ërei mbaetɨ iñɨ̈ro jókuae fariseo pe iyoa re. Echa kia nunga oyembotuicha vae, oñemomichiukata ko. Jare oñemomichi vae, oyembotuichaukata ko.”

San Juan 2:25

Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 1:33

jae ko ojo perenonde jare oeka kia pe peputuu vaerä, pɨ̈tu yave omoembipe oechauka peve kerupi peguata vaerä jare ara pe amapɨtu.

DEUTERONOMIO 13:3

Agüɨye peyeapɨsaka jókuae ñeemombeúa iñee reta re, ani jókuae ipaɨu katu vae re. Echa yandeYa Tumpa ko pejäa oï oikuaa vaerä peaɨu ra yandeYa Tumpa opaete pepɨa ndive, jare opaete perekove ndive.

DEUTERONOMIO 2:7

Echa yandeYa Tumpa iporerekua peré opaete perembiapo reta rupi, jae oikuaa kërai peguata opaete kuae ñuu guasu rupi vae, kuae cuarenta año rupi yandeYa Tumpa oiko pe ndive, jare mbaetɨ etei mbae omboata peve.

DEUTERONOMIO 29:5

Che pogüɨroata ma cuarenta año kuae ñuu rupi, ërei peremimonde jare pepɨapaa mbaetɨ indechi pegüi.

DEUTERONOMIO 32:7

Pemaendúa arakae oasagüe re, pemae arakae güive ma oasa ou oiko vae re; peparandu peru reta pe, jae reta timiari peve; peparandu ndechi reta pe, jae reta timiari peve:

DEUTERONOMIO 7:18

¡Agüɨye pekɨɨye chugüi reta! Pemaendúa kavi kërai yandeYa Tumpa oyapo Faraón jare opaete Egiptoɨgua reta pe vae.

DEUTERONOMIO 8:16

pemongaru ñuu rupi maná pe, tembíu peñemuñagüe reta mbaetɨ oikuaa vae pe, pemoñemomichi jare pejäa, jökorai peapo kavi peiko kavi vaerä.

Santiago 1:3

Echa peikuaa ko mbaemboavai ou peporogüɨrovia re vae ombokuakuaa pepɨaguasu.

Santiago 4:10

Peñemomichi yandeYa jóvai, jare jae pembotuichaukata.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

JUECES 2:22

Kuae tëtaguasu reta rupi yandeYa ojäa vaerä Israel iñemuña reta, oipotata ra oguata reta iporookuai rupi iñemuñagüe reta rami ani mbaetɨta ra.

JUECES 3:4

Kuae reta rupi yandeYa oipota ojäa Israel iñemuña reta, oikuaa vaerä oyapota ra mborookuai reta jae omee Moisés rupi iñemuñagüe reta pe vae.