DEUTERONOMIO 8:19 - Biblia Guarani Tumpa Iñee

¹⁹ Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.

DEUTERONOMIO 8:19 ပူးပေါင်းရင်းမြစ်များ

JEREMÍAS 25:6

Agüɨye pemboete tumpa ambuae reta; agüɨye peyeokuai chupe reta, agüɨye vi pemboete. Agüɨye pemboarasɨuka yandeYa, pemboete tumpa reta pe aeño peyapo peyeupe vae rupi, jayave jae ngaraa ombou peve mbae ikavimbae.’

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

DANIEL 9:2

Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año rupi Jerusalén oyemboai oiko, yandeYa jei iñeemombeúa Jeremías pe rami.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

SOFONÍAS 3:6

YandeYa jei: “Opa amboai tëtaguasu reta, opa amboai maeka reta tëta guasu ikësea regua; ikaye ipombae opɨta, mbaetɨ etei pɨpe vae.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

San Lucas 13:3

Che jae peve, jökoraiä ko. Pe reta mbaetɨ peeya yave peyemongeta ikavimbae vae pepɨa pe oï vae, pekañɨteita vi ko.

San Lucas 13:5

Che jae peve, jökoraiä ko. Pe reta mbaetɨ peeya yave peyemongeta ikavimbae vae pepɨa pe oï vae, pekañɨteita vi ko.”

DEUTERONOMIO 11:16

Ërei peyeandu, agüɨye vaerä pepɨa jopa, jare pepia tumpa ambuae reta pe peyeokuai, jare pemboete peyetavatɨka reve.

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

1 SAMUEL 12:25

Ërei ngatu peapɨäño yave peyapo ikavimbae, pekañɨteita peruvicha guasu ndive.