DEUTERONOMIO 8:14 - Biblia Guarani Tumpa Iñee

¹⁴ javoi, peyembopɨatuicha jare peakañɨ yandeYa Tumpa güi, jae ko perenoe ɨvɨ Egipto güi, yeokuaiasɨ katu güi;

DEUTERONOMIO 8:14 ပူးပေါင်းရင်းမြစ်များ

2 REYES 14:10

Añete, remoamɨri ko Edom iñemuña reta jare jókuae pe reyembotuicha. Eyembotuicha, ërei epɨta ndero pe. ¿Maera pa reyemoingeta mbaesusere pe, nde jare Judá pegua reta?”

2 REYES 17:38

Agüɨye peakañɨ morogüɨrökuavee päve che ayapo pe reta ndive vae güi, agüɨye pemboete tumpa-raanga reta.

2 CRÓNICAS 26:16

Ërei imbaepuere yae ma yave, ipɨa pe oyembotuicha, jökorai oyembosusere echa oyembopɨapochɨ iYa Tumpa kotɨ oike ramo yandeYa jo pe oapɨ vaerä ikäti kavi vae incienso, ikäti kavi vae incienso oyeapɨ jese vae re.

2 CRÓNICAS 32:25

Ërei Ezequías mbaetɨ omee yasoropai jókuae yemborɨ omboresive vae re, jaeño ipɨayemboete yae, jókuae jeko pegua yandeYa iyarasɨ ikotɨ, Judá kotɨ jare Jerusalén kotɨ.

SALMOS 106:21

Ñakañɨ reta jeroasayepea Tumpa güi, jókuae jeta mɨakañɨ tuichagüe oyapo Egipto pe vae güi,

SALMOS 78:7

Tumpa reño oyeko reta vaerä, agüɨye vaerä iñakañɨ reta Tumpa oyapogüe güi; oyapo avei vaerä iporookuai reta,

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

JEREMÍAS 23:27

¿Oyemongeta reta ra, jókuae ipaɨu reta re imiari oyoupe vae rupi omombiata chegüi chembae vae reta, iñemuñagüe reta ñakañɨ chegüi jare omboete reta Baal rami?

DANIEL 11:12

Jare oporomoamɨri jare jeta yae oporoyuka jeko pegua oyembotuichata, ërei imbaepuere ngaraa ɨma oiko.

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

NÚMEROS 15:39

Jökorai, peecha jókuae peremimonde jopea yave, pemaendúa vaerä opaete mborookuai reta yandeYa omee peve peyapo vaerä vae re; jökorai agüɨye vaerä pemae pepɨa jare peresa jemimbota re, jare peñererokomegua pɨpe.

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 17:20

Jökorai agüɨye vaerä ipɨa ombotuicha yae jëtaɨgua reta pe, jare agüɨye vaerä opia mborookuai jei vae güi, jökorai oiko puku vaerä jae jare taɨ reta iporookuaía pe, Israel iñemuña reta ipɨte pe.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 5:6

‘Che ko jae peYa Tumpa perenoe ɨvɨ Egipto güi vae, yeokuai renda güi.

DEUTERONOMIO 6:11

o tɨnɨe jeta mbaembae pe vae, pe mbaetɨ pemotɨnɨe vae, jare ɨrɨru oyeyoogüe, peyoombae vae, jare uvarupa jare ɨvɨra olivorupa pe peñotɨmbae vae, jare peu ma jare perɨ̈vɨata ma yave,

DEUTERONOMIO 8:11

Peyeandu agüɨye vaerä peakañɨ yandeYa Tumpa güi, agüɨye peakañɨ peyapo iporookuai reta che poyókuai añave jese vae.

DEUTERONOMIO 8:13

jare oñemuña jeta guaka jare vecha reta yave, jökoraiño vi korepoti jare oro, jare peñemuña jeta yave, jare opaete mbae penoigüe okuakuaa yave,

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.