DEUTERONOMIO 7:6 - Biblia Guarani Tumpa Iñee

⁶ Echa pe reta ko jae tëta oñeñono tee yandeYa Tumpa peguarä vae; yandeYa Tumpa ko peparavo, peiko vaerä chupeguarä metei tëta ikavi yae vae, opaete ïru tëta reta kuae ɨvɨ pe ñogüɨnoi vae güi.

DEUTERONOMIO 7:6 ပူးပေါင်းရင်းမြစ်များ

1 REYES 3:8

Jare che nderembiokuai aï kuae tëta reiparavogüe juvicharä: Tëta tuicha yae vae ko, mbaetɨ ipuere oyepapa jeta yae vae jeko pegua.

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

SALMOS 114:2

Judá ou opɨta yandeYa pe mbaemboete oñemeea rendarä, Israel ou opɨta iporookuaía rendarä.

SALMOS 135:4

Echa jae oiparavo iyeupe tëta Israel, Jacob iñemuña reta.

SALMOS 50:5

“Pemboatɨ cheve tëta chembae vae, morogüɨrökuavee päve oyapo che ndive mɨmba oyeyuka oñemee vae rupi vae.”

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 41:9

Che ko rogüeru matɨ ɨvɨ iyapɨ kotɨ güi, che ko roenɨi matɨ ɨvɨ jembeɨ kotɨ güi, jare jae ndeve: ‘Nde ko cherembiokuai.’ Che ko roparavo jare mbaetɨ rogüɨröɨro.

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

JEREMÍAS 2:3

Israel oñeñono tee kavi cheve yepi, jae ko mbaagüɨyerɨpɨ rami cheve yepi. Ikavimbae oyapo chupe vae reta pe che aiporarauka, susere reta ambou chupe reta; che ndeYa ko, jae kuae ndeve.”

EZEQUIEL 20:5

Ere chupe reta: ‘YandeYa Tumpa jei Körai: Aiparavo yave Israel, chepo aupi reve añererökuavee iñemuña reta pe jare ayekuaauka chupe reta Egipto pe. Chepo aupi reve añererökuavee, jae chupe reta: Che ko jae peYa Tumpa.

LEVÍTICO 20:24

Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä. Che ko peYa Tumpa, peparavo ïru tëta reta güi vae.

LEVÍTICO 20:26

Peyoambae peiko cheve, echa che peYa iyoambae ko, che ko poparavo ïru tëta reta güi, peiko vaerä chembaerä.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

MALAQUÍAS 3:17

YandeYa Imbaepuere yae ete vae jei: “Che cheporojäa iara pe yogüɨreko yeta chembaerä mbae jepɨ yae vae rami, cheɨ̈rota chupe reta metei kuimbae iñɨ̈ro taɨ oyeokuai chupe vae pe rami.

Hechos 13:17

Israel pegua reta iTumpa oiparavo ñaneñemuñagüe reta, jare ombotuichauka Egipto pe ketɨgua yogüɨreko ramboeve. Jare Tumpa imbaepuere yae rupi opa güɨnoe joko güi

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

DEUTERONOMIO 14:2

Echa pe tëta oñeñono tee yandeYa Tumpa pe vae ko, jae ko peparavo imbaerä opaete tëta reta ɨvɨ pegua güi.

DEUTERONOMIO 14:21

Agüɨye mɨmba omanoiño vae peu, echa pe ko tëta oñeñono tee yandeYa Tumpa peguarä vae, ërei pepuere pemee ketɨgua yogüɨreko pepɨte pe vae pe, jae reta ipuere jou, jare ketɨgua oasa jokoropi vae pe pepuere pemee. Agüɨye kavara raɨ isoogüe pemboyɨ ichɨ ineche pe.

DEUTERONOMIO 26:18

Jare yandeYa jei añave, pe jae ko tëta imbae, güɨrökuavee peve rami, peyapo vaerä opaete iporookuai reta.

DEUTERONOMIO 26:19

Jae pembotuicha vaerä opaete ïru tëtaguasu reta oyapogüe güi, mbaemboete pe, jare perërakua yaeta vae pe, peiko vaerä jae jei rami: Tëta oñeñono tee yandeYa Tumpa peguarä vae.”

DEUTERONOMIO 28:9

Peendu jare peyapo yave yandeYa Tumpa iñee, jae pererekota metei tëta oñeñono tee vae imbaerä, oñererökuavee jee re peve rami.

DEUTERONOMIO 33:3

Tumpa oaɨu imbae vae reta, oñeñono tee chupeguarä vae re oyangareko; jáeramo jae reta oguata nderaɨkue oyapo reta nde reyókuai vae.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

2 Pedro 2:5

Jaeramiño vi arakae Tumpa mbaetɨ iñɨ̈ro oporogüɨroviambae vae reta pe. Jaeño güɨroasayepe ɨporu guasu güi Noé jare ïru chiu vae reta ndive. Echa Noé omombeu tëi ïru vae reta pe oyapo vaerä jupi vae. Jáeramo Tumpa ombou ɨporu guasu iyoa vae reta re.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.