DEUTERONOMIO 7:26 - Biblia Guarani Tumpa Iñee

²⁶ Agüɨye peru mbae pɨ̈chɨi vae pero pe, agüɨye vaerä yepopeyu oï jese vae peru, opaetei mbae peroɨ̈ro jare pɨ̈chɨi pemae jese, echa yepopeyu pe ko oï.

DEUTERONOMIO 7:26 ပူးပေါင်းရင်းမြစ်များ

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 41:24

¡Mase, pe reta mbaeä etei ko, mbaetɨ etei mbae pepuere peyapo! Pɨ̈chɨi yae ko, jókuae peparavo iyeupe vae.

EZEQUIEL 11:18

Yogüeru reta ye yave iɨvɨ pe, oekɨta jókuae ɨvɨ güi tumpa-raanga reta imboete, jare opaete mbae ikavimbae oyapo reta Tumpa jóvai vae.

EZEQUIEL 14:7

Echa oipotagüe kuimbae Israel iñemuña reta ani ketɨgua reta Israel pe yogüɨreko vae opia yave chegüi, jare oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño vae, javoi ou ñeemombeúa pe oparandu vaerä cheve yave, che etei amombeuta chupe oipota oikuaa vae.

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

ZACARÍAS 5:4

YandeYa Imbaepuere yae ete vae jei: ‘Che ko amondo yepopeyu imonda vae jo pe jare añetete rami mbae jei cheree re vae jo pe. Jare oïta joko pe opaetei regua omboai jo ndive, okɨta jare ita reta ave.’ ”

Romanos 2:22

Nde rere ïru vae reta pe agüɨye vaerä oyuvanga menda re, ¿maera pa nde reyuvanga menda re? Nde reröɨro tumpa-raanga reta, ¿maera pa jayave reñomi mbaembae ikavi vae itupao güi?

DEUTERONOMIO 13:16

Jare pemboatɨ opaete mbaembae reta oka guasu pe jare peyatapɨ jese, opaetei tókai tëta guasu imbaembae ndive, mɨmba oyeapɨ jese vae re mɨmba oyeyukagüe opaetei oyeapɨ rami. Jókuae tëta guasu topɨta tëtagüerä, jare ngaraa ye ma oñemopüa.

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 13:18

peyapo yave yandeYa Tumpa jei vae, peñovatu reve opaete mborookuai reta añave poyókuai jese peyapo vaerä sɨmbi vae yandeYa Tumpa jesa róvai.