DEUTERONOMIO 7:25 - Biblia Guarani Tumpa Iñee

²⁵ Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

DEUTERONOMIO 7:25 ပူးပေါင်းရင်းမြစ်များ

2 REYES 23:14

Oyoka vi tumpa-raanga reta iä ita pegua jare opa oyasɨa Asera iä reta ɨvɨra pegua, jókuae reta jendagüe opa omotɨnɨe kuimbae reta ikägüegüe pe.

1 CRÓNICAS 14:12

Jare filisteo reta opa omombo oeya itumpa-raanga reta, jare David opa oapɨuka.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ÉXODO 32:20

oipɨɨ jókuae toro taɨrusu vae iä jare oitɨ tata pe, jare opa omongúi omombɨuasɨ regua jare oitɨ ɨ pe, jare jókuae ɨ jouuka Israel iñemuña reta pe.

ÉXODO 8:26

Ërei Moisés jei chupe: —Mbaetɨ orepuere royapo vaerä körai, echa jökorai yave romeeta ko oreYa Tumpa pe Egiptoɨgua reta pe pɨ̈chɨi yae vae. Jare Egiptoɨgua reta omboete mɨmba vae royuka romee jae reta jóvai yave ¿ngaraa pa jae reta oreapi oreyuka ita pe?

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 41:24

¡Mase, pe reta mbaeä etei ko, mbaetɨ etei mbae pepuere peyapo! Pɨ̈chɨi yae ko, jókuae peparavo iyeupe vae.

LEVÍTICO 13:52

Toyeapɨ jókuae temimonde, tembiapo ani mbaepɨaa vecharaa pegua ani lino pegua ani oipotagüe tembiapo mɨmba pire pegua; echa mbaerasɨ ókui vae ko oë jese, toyeapɨ tata pe;

LEVÍTICO 19:4

Agüɨye pemboete tumpa-raanga reta, agüɨye vi peyapo petumparä jiero oyemondɨkuigüe. Che ko peYa Tumpa.

SOFONÍAS 1:3

Amokañɨteita kuimbae reta, mɨmba reta, güɨra reta, pira reta, ngaraa amaeño iyoa vae re; amokañɨteita kuimbae reta ɨvɨ iárambo güi.” YandeYa jei körai:

DEUTERONOMIO 12:3

Pemboai mɨmba oyeyuka oyeapɨ jese vae jae reta imbae jare peyoka itumpa-raanga reta, peapɨ tata pe Asera iä, jare opa pemboai omopöra tumpa-raanga oyapogüe iä, jare opa pemokañɨtei jee joko güi.

DEUTERONOMIO 13:16

Jare pemboatɨ opaete mbaembae reta oka guasu pe jare peyatapɨ jese, opaetei tókai tëta guasu imbaembae ndive, mɨmba oyeapɨ jese vae re mɨmba oyeyukagüe opaetei oyeapɨ rami. Jókuae tëta guasu topɨta tëtagüerä, jare ngaraa ye ma oñemopüa.

DEUTERONOMIO 17:1

Agüɨye pemee yandeYa pe, toro ani vecha kuimbae taɨrusu vae mbae oata chupe vae ani oikomegua vae, echa pɨ̈chɨi yae ko yandeYa Tumpa pe jókuae nunga.

DEUTERONOMIO 23:18

Agüɨye iyaguasa pota vae jepɨgüe ani kuimbae japicha ndive oasa vae jepɨgüe peru yandeYa Tumpa jo pe, echa jókuae nunga pɨ̈chɨi yae ko yandeYa Tumpa pe.

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

DEUTERONOMIO 7:5

Peyapota chupe reta vae jae kuae: Mɨmba oyeyuka oyeapɨ jese vae jae reta imbae pemboai, jare peyoka mbae iä oyapogüe, jare Asera iä peyasɨa, jare peapɨ tata pe opaete mbae iä oyapogüe reta.

JOSUÉ 7:1

Ërei Israel iñemuña reta ombaeyavɨ yandeYa iyepopeyu oï jese vae rupi; echa Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña pegua, oipɨɨ iyeupe yandeYa iyepopeyu pe oï vae. Jáeramo yandeYa iyarasɨ Israel iñemuña reta kotɨ.

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”