DEUTERONOMIO 7:2 - Biblia Guarani Tumpa Iñee

² YandeYa Tumpa omee pepo pe yave kuae tëta guasu reta, opa ma pemoamɨri yave, opaetei pemboai; agüɨye jae reta ndive peyapo ñemoïru, agüɨye peiparareko reta.

DEUTERONOMIO 7:2 ပူးပေါင်းရင်းမြစ်များ

GÉNESIS 14:20

Jare opaete vae reta tomboete Tumpa Tuichagüe yae ete vae, echa jae ko ndemborɨ remoamɨri nderovaicho reta.” Jayave Abram omee payandepo güi metei, jókuae opaete güeru ye vae güi Melquisedec pe.

2 SAMUEL 21:2

Jayave mburuvicha guasu oenɨi Gabaón pegua reta, jare imiari jae reta ndive. (Gabaón pegua reta, mbaetɨ ko Israel iñemuña reta, amorreo reta iñemuñagüe ko, jókuae Israel iñemuña reta oyapo arakae ñererökuavee chupe vae reta agüɨye vaerä oyuka; kuae reta yepe Saúl opa pota tëi oyuka, Israel jare Judá pegua reta re jägüɨro ramo.)

1 REYES 20:34

javoi Ben-adad jei: —Cheru opɨ̈ro tëta guasu reta nderu güi vae che tamboyevɨ ye ndeve; javoi ndepuere remaemee jare rembaegua ndeyeupe Damasco pe, cheru oyapose Samaria pe rami. Jare Acab jei: —Che amaeñota reo ye. Körai, Acab oyapo morogüɨrökuavee päve Ben-adad ndive jare omaeño ojo ye.

ESDRAS 10:3

Añave yayapo morogüɨrökuavee päve ñaneTumpa ndive, romombo vaerä opaete jókuae orerembireko reta jare imembɨ reta ndive, toyembopo kuae mborookuai, nde jare ïru oipoɨu Tumpa iporookuai güi vae reta oremboarakuaa rami.

SALMOS 106:34

Mbaetɨ opa omboai reta tëta reta, yandeYa oyókuai tëi omboai reta vaerä vae.

ÉXODO 22:20

Mɨmba oyuka omee ïru tumpa reta pei yandeYa güi vae, tomano.

NÚMEROS 21:2

Jayave Israel iñemuña reta oyapo ñererökuavee yandeYa pe, jei reve: —Remee ete kuae ɨvɨ oreve yave, opata romboai tëta reta ñogüɨnoi pɨpe vae.

NÚMEROS 31:17

Peyuka opaete michia kuimbae reta; jare opaete kuña oasa ma kuimbae ndive vae reta.

NÚMEROS 33:52

penoe pemombo opaete jókuae ɨvɨ pegua, jare pemboai opaete itumpa-raanga ita pegua, jare opaete mbae iä jiero pegua oyemondɨkui oyeapo vae, jare pemboai opaete itumpa-raanga omboete jese vae ɨvɨtɨ re güɨnoi reta vae.

DEUTERONOMIO 13:8

agüɨye emborɨ katu jeko jare agüɨye eyeapɨsaka jese, agüɨye eiparareko emae jese, agüɨye tiparavete ndeve, agüɨye vi eikuaku;

DEUTERONOMIO 13:9

eyuka jókuae nunga. Jare nde tenonde epüa jese reyuka vaerä, jare nderaɨkue rupi opaete vae toyapi vi.

DEUTERONOMIO 19:13

Agüɨye peiparareko, jökorai agüɨye vaerä oime jekombae jugüɨ oyepɨyere vae pepɨte pe, jökorai peiko kavi vaerä.

DEUTERONOMIO 2:33

ërei yandeYa Tumpa omee yandepo pe jare ñamoamɨri jae jare taɨ reta jare isundaro reta.

DEUTERONOMIO 2:34

Jayave ñapɨ̈ro jëta jare yamboai opaete tëta guasu; kuimbae reta, kuña reta, jare michia reta; mbaetɨ etei mbae yaeya.

DEUTERONOMIO 23:14

Echa yandeYa Tumpa oguata pepɨte rupi teyupa pe, peñovatu vaerä jare omee vaerä peporomoamɨri; jáeramo agüɨye tikɨa toï teyupa peï pɨpe vae, agüɨye vaerä Tumpa oecha mbae ikɨa vae pɨpe, jökorai ngaraa osɨrɨ pegüi.

DEUTERONOMIO 25:12

peyasɨa jókuae kuña ipo chugüi; agüɨye peɨ̈ro chupe.

DEUTERONOMIO 3:3

Jare yandeYa Tumpa omee vi yandepo pe Og mburuvicha guasu Basán pegua jare opaete jëta, opa regua ñamokañɨtei.

DEUTERONOMIO 31:5

YandeYa omeeta pepo pe kuae tëta guasu reta, peyapo chupe reta opaete che poyókuai rami.

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

JOSUÉ 10:28

Jökorai jókuae ara Josué opɨ̈ro Maceda, jare opaetei omboai, oyuka kɨsepuku pe opaete joko pe yogüɨreko vae, oeyambae reve metei ave. Oyapo mburuvicha guasu Maceda pegua pe, mburuvicha guasu Jericó pegua pe oyapo rami.

JOSUÉ 10:30

YandeYa omee Israel iñemuña reta ipo pe, kuae tëta guasu joko pegua mburuvicha guasu ndive, jare oyuka reta kɨsepuku pe opaete joko pe yogüɨreko vae reta, oeyambae reve metei ave, jare oyapo mburuvicha guasu Libna pegua pe, jare Jericó pegua pe oyapo rami.

JOSUÉ 10:32

Jare yandeYa omee Israel iñemuña reta ipo pe tëta guasu Laquis, jare opɨ̈ro reta pɨareve pe, oyuka reta kɨsepuku pe opaete joko pe yogüɨreko vae reta jare jɨmba reta, Libna pe oyapo rami.

JOSUÉ 10:40

Jökorai Josué opɨ̈ro opaete ɨvɨ. Omoamɨri mburuvicha guasu reta ɨvɨtɨ guasu reta rupi oñemoëta vae, Neguev pegua reta, ɨvɨpe kavi rupi jëta vae reta, ɨvɨtɨ ikúa rupi jëta vae reta jare opaete juvicha guasu reta, oeyambae reve metei ave; opaetei oyuka, yandeYa Israel iTumpa oyókuai rami.

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JOSUÉ 2:14

Jae reta jei chupe: —Pemano yave ore toromano vi, mbaetɨ yave reñeapo oreré kuae royu vae re; jare oreYa omee oreve kuri kuae ɨvɨ yave, ore royapota ndeve mboroparareko jare añetete vae.

JOSUÉ 21:44

Jare yandeYa omee yogüɨreko pɨagüive vaerä jókuae ɨvɨ pe, jae oñererökuavee jee re ae Israel iñemuñagüe reta pe rami; jare opaete jovaicho reta güi mbaetɨ metei ave ipuere oñeraro jae reta ndive, echa yandeYa omee jae reta ipo pe opaete jovaicho reta.

JOSUÉ 8:24

Israel iñemuña reta opa ma oyuka opaete Hai pegua reta ñuu rupi ñogüɨnoe oaɨkuemoña reta vae yave, oyerova ye Hai pe, jare opa vi oyuka joko pe opɨtagüe reta.

JOSUÉ 9:24

Jare Gabaón pegua reta jei Josué pe: —Royapo ko kuae, echa rokɨɨye yae nde opata oreyuka vae güi, echa jërakua oreve, peYa Tumpa oyókuai jembiokuai Moisés, omee vaerä peve opaete kuae ɨvɨ jare pemokañɨtei vaerä opaete kuae ɨvɨ pe yogüɨreko vae reta.

JOSUÉ 9:7

Jare Israel iñemuña reta jei heveo reta pe: —Güɨramoi pe reta köiño peiko oregüi; ¿këraita pa royapo ñemoïru pe ndive?

JUECES 1:24

Oporopïaro vae reta oecha oë metei kuimbae jókuae tëta güi, jare jei reta chupe: “Remombeu oreve yave kerupi roike vaerä kuae tëta pe orepɨakavita ndeve.”

JUECES 1:4

Judá iñemuña reta yogüɨraja jare yandeYa omee opa vaerä omoamɨri cananeo reta jare ferezeo reta. Jare Bezec pe diez mil opa oyuka reta, kuae reta ipɨte pe oï Adoni-bezec.

JUECES 2:2

pe reta mbaetɨ yave peyapo ñemoïru jókuae tëta pegua reta ndive, pemboai yave chugüi reta itumpa-raanga reta pe mɨmba oyeyuka oyeapɨ jese vae reta.’ Ërei pe reta mbaetɨ peyapo che jae vae, ¿maera pa ko kuae peyapo?