DEUTERONOMIO 7:13 - Biblia Guarani Tumpa Iñee

¹³ Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

DEUTERONOMIO 7:13 ပူးပေါင်းရင်းမြစ်များ

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

JOB 1:10

Nde etei ko reñova jae, jo jare opaete mbaembae güɨnoi vae, jare iparavɨkɨ re ndeporerekua; jáeramo, imbaembae reta jeta oñemuña ɨvɨ iárambo.

JOB 42:12

Jare yandeYa iporerekua Job re, oasa ye tenonde vae güi. Echa güɨnoi catorce mil vecha, seis mil camello, mil yoayu güeye, jare mil mburika.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

SALMOS 11:7

Echa yandeYa jupi vae ko, oaɨu mbae jupi rupi oyeapo vae. ¡Jupi rupi oiko vae oechata jova!

SALMOS 127:3

Mase, michia reta oa vae yandeYa imbae ko, mbota ko michia reta oa yandeve vae.

SALMOS 146:8

omomae jesambae vae reta, omopüa ogüɨapi vae reta, oaɨu jupi rupi yogüɨreko vae reta.

ÉXODO 23:25

PeYa Tumpa peño peyeokuai, jae pemboyekouta tembíu pe jare ɨ pe. Jare che ambosɨrɨta pegüi opaete mbaerasɨ reta,

PROVERBIOS 10:22

YandeYa iporerekua, mbaeyekou ko, ngaraa güeru mbɨatɨtɨ.

PROVERBIOS 15:9

YandeYa pe, ikaviä yae ko iyoa vae jeko, ërei oaɨu, jupi rupi kavi oiko vae.

LEVÍTICO 26:9

Echa che ayerova yeta pekotɨ, jare pombokuakuaata jare pombojetata jare cheporogüɨrökuavee päve amoañeteta pe ndive.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

San Juan 15:10

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

San Juan 16:27

echa cheRu etei peraɨu, pe reta cheraɨu jare perovia che ayu Tumpa güi ramo.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 28:1

Peendu ete kavi peyeupe yandeYa Tumpa iñee yave, peyapo yave mborookuai reta amombeu añave peve vae, yandeYa Tumpa pembotuichata opaete tëtaguasu reta ɨvɨ pegua güi.

DEUTERONOMIO 28:11

YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.

DEUTERONOMIO 30:5

pereru yeta jókuae ɨvɨ peñemuñagüe reta imbaegüe pe, jare penoita pembaerä, oyapota peve ikavi vae jare pemoñemuñata jeta yae peñemuñagüe reta güi.

DEUTERONOMIO 7:7

Tëta tuichagüe yae peiko ïru tëta reta güi ramoä ko yandeYa pepota jare peparavo, pe reta ko tëta mbaeä etei yepi opaete ïru tëta reta güi vae.