DEUTERONOMIO 7:1 - Biblia Guarani Tumpa Iñee

¹ YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

DEUTERONOMIO 7:1 ပူးပေါင်းရင်းမြစ်များ

1 REYES 16:31

echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

1 CRÓNICAS 1:14

Canaán güi oñemuña jebuseo reta, amorreo reta, gergeseo reta,

2 CRÓNICAS 8:7

Jare opaete heteo reta, amorreo reta, ferezeo reta, heveo reta, jare jebuseo reta güi jembɨregüe, Israel iñemuña peguambae vae reta.

ESDRAS 9:1

Opa oyeapo kuaekuae reta yave, mburuvicha reta yogüeru chekotɨ jei reve: “Israel iñemuña reta, sacerdote reta, jare levita reta mbaetɨ oyembosɨrɨ kuae ɨvɨ pegua tëta reta güi, jae ko cananeo reta, heteo reta, ferezeo reta, jebuseo reta, amonita reta, moabita reta, Egiptoɨgua reta jare amorreo reta güi, oyapo reta teko pɨ̈chɨi jae reta rami.

NEHEMÍAS 13:23

Aecha vi jókuae ara rupi, kërai Judaɨgua reta omenda kuña Asdod pegua reta ndive, Amón jare Moab iñemuña pegua reta ndive;

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

ÉXODO 15:7

Ndembaepuere yae ete pe remoamɨri oyovaicho ndekotɨ vae reta; ndearasɨ rembou jare jae reta opa ókai, ɨtɨ ókai rami.

ÉXODO 23:28

Amondota perenonde kɨɨye, omoë vaerä ombotekuarai; heveo, cananeo jare heteo reta perenonde güi.

ÉXODO 23:32

“Agüɨye peñemoïru jae reta ndive, ani itumpa reta ndive ave,

ÉXODO 23:33

agüɨye peɨvɨ pe ave toyogüɨreko, agüɨye vaerä oyavɨuka peve chekotɨ, jare peyeokuai itumpa reta pe, echa pererokomeguata ko.”

ÉXODO 33:2

Che amondota nderenonde araɨgua, jare amoëta amombo jókuae iɨvɨ güi cananeo reta, amorreo reta, heteo reta, ferezeo reta, heveo reta jare jebuseo reta.

ÉXODO 6:8

Pogüɨrajata poñono Abraham, Isaac jare Jacob pe chepo amopüa reve añererökuavee amee vaerä ɨvɨ chupe reta vae pe, che ameeta peve pembaerä. Che ko peYa.

LEVÍTICO 14:34

“Peike ma yave ɨvɨ Canaán pe, che amee ɨvɨ pembaerä vae pe, jare amondo yave mbaerasɨ ókui vae, amogüe o re jókuae peɨvɨ pe,

NÚMEROS 13:29

Amalec iñemuña reta oime ñogüɨnoi Neguev pe, heteo reta, jebuseo reta jare amorreo reta ñogüɨnoi ɨvɨtɨ reta re, jare cananeo reta ñogüɨnoi ɨguasu jare ɨ̈aka Jordán ipäu pe.

NÚMEROS 14:31

Ërei ngatu, pemichia reta perokɨɨye tëi tembipɨɨrä güi vae, che aroike retata, jare jae reta oikuaata jókuae ɨvɨ, pe reta peröɨro vae.

Hechos 13:19

jare opa omboai yave Canaán güi chiu tëtaguasu pegua reta, omee kuae reta iɨvɨgüe ñaneñemuñagüe reta imbaerä.

DEUTERONOMIO 11:29

YandeYa Tumpa pereroike ma yave ɨvɨ pepɨ̈rota peiko pɨpe vae pe, peñono mborerekua ɨvɨtɨ Gerizim re, jare yepopeyu ɨvɨtɨ Ebal re.

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

DEUTERONOMIO 20:16

Ërei tëta guasu reta yandeYa Tumpa omee peve pembaerä vae pe mbaetɨ eteita peeya kia jekove ndive,

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 31:3

YandeYa Tumpa ojota perenonde; jae omboaita peve kuae tëtaguasu reta, jare peiketa peiko pɨpe; Josué ojota perenonde, yandeYa jei rami.

DEUTERONOMIO 4:38

Omoë omombo peróvai güi tëtaguasu reta tuichagüe, imbaepuere yae pegüi vae, pereroike vaerä pɨpe, omee vaerä peve ɨvɨ pembaerä, añave rami.

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

DEUTERONOMIO 6:10

YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

DEUTERONOMIO 6:19

jae omoë vaerä omombo perovaicho reta perenonde güi, yandeYa jei rami.

DEUTERONOMIO 6:23

Jare orerenoe joko güi, orereru omee oreve kuae ɨvɨ güɨrökuavee jae jee re ñaneñemuñagüe reta pe vae.

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

DEUTERONOMIO 9:4

Jare yandeYa Tumpa opa ma omoë omombo peróvai güi yave, agüɨye peyemongeta pepɨa pe körai: Jupi vae yayapo ramo ko yandeYa yandereru yaiko vaerä kuae ɨvɨ pe; yandeYa ko opa omoë omombo kuae tëtaguasu reta peróvai güi imbaeyoa jeko pegua.

JOSUÉ 11:3

jare cananeo reta kuaraɨ oëa kotɨgua jare kuaraɨ oikea kotɨgua pe, amorreo reta, heteo reta, ferezeo reta, jebuseo reta ɨvɨtɨ guasu rupi jëta vae reta pe, jare heveo reta ɨvɨtɨ guasu Hermón igüɨ pe yogüɨreko vae reta pe, ɨvɨ Mizpa pe.

JOSUÉ 24:11

Jare peasa ɨ̈aka Jordán jare peyu Jericó pe. Jericó pe yogüɨreko vae reta oñeraro pe ndive: Amorreo reta, ferezeo reta, cananeo reta, heteo reta, gergeseo reta, heveo reta jare jebuseo reta, ërei che amee pepo pe opa pemoamɨri vaerä.

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.