DEUTERONOMIO 6:4 - Biblia Guarani Tumpa Iñee

⁴ Peendu Israel iñemuña reta: YandeYa Tumpa, meteiño ko.

DEUTERONOMIO 6:4 ပူးပေါင်းရင်းမြစ်များ

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

2 REYES 19:5

Yogüɨraja mburuvicha guasu Ezequías jembiokuai reta Isaías pɨri.

1 CRÓNICAS 29:10

Jökoraiño vi David oyerovia yae. Jare omboete yandeYa opaete yatɨ vae reta jóvai, jei: “¡Mbaeyekou toï jekuae avei pegua, nde cheYa Tumpa, oreñemuña Israel iTumpa!

2 CRÓNICAS 17:9

Omondo reta omboe vaerä opaete Judá pegua reta, tembikuatía pe yandeYa iporookuai oï vae re. Jare jae reta oguata opaete ɨvɨ Judá rupi oporomboe reve jókuae re.

NEHEMÍAS 9:6

Jare Esdras jei: “Nde ko jae oreYa Tumpa, mbaetɨ ye kia. Nde reyapo ara, jare ara ɨvate yae vae, jare opaete yasɨtata reta; nde reyapo ɨvɨ, jare opaete pɨpegua reta, ɨguasu reta, jare opaete pɨpegua reta. Nde ko remee tekove opaete vae pe. Jáeramo, ndemboete ara ipo reta.

SALMOS 78:5

Jae oñono iporookuai Jacob peguarä, jare oñono mborookuai Israel peguarä; kuae re oyókuai ñaneñemuñagüe reta, oikuaauka vaerä taɨ reta pe.

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ZACARÍAS 14:9

YandeYa oïta mburuvicha guasurä opaete ɨvɨ re, jókuae ara yandeYa jaeño oïta, jare jee meteiñota vi.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

San Lucas 10:27

Jayave jei Jesús pe: —Eaɨu ndeYa Tumpa opaete ndepɨa reve, opaete nderekove reve, jare opaete nepɨ̈rata reve jare opaete ndeyemongeta reve. Jaeramiño vi eaɨu nderapicha nde reyeaɨu rami.

San Juan 10:30

CheRu jare che meteiño ko.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Romanos 3:30

Echa Tumpa meteiño ko; jae ombojupita oyembocircuncidauka vae reta iporogüɨrovia rupi. Jökoraiño vi ombojupita oyembocircuncidaukambae vae reta iporogüɨrovia rupi.

Efesios 4:6

metei Tumpa opaete vae Tu, jae ipo pe oï opaete mbaembae, oï opaete rupi jare opaete vae re.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

DEUTERONOMIO 5:6

‘Che ko jae peYa Tumpa perenoe ɨvɨ Egipto güi vae, yeokuai renda güi.

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Santiago 2:19

Nde rerovia oime ko meteiño Tumpa. Jaekavi ko jókuae rerovia vae. Ërei aña reta vi güɨrovia jare orɨrɨi reta okɨɨye güi.