DEUTERONOMIO 6:24 - Biblia Guarani Tumpa Iñee

²⁴ Jare yandeYa oreokuai royapo vaerä opaete kuae mborookuai reta, roipoɨu vaerä yandeYa Tumpa güi, roiko kavi vaerä opaete ara rupi jare oreövatu vaerä añave rami.

DEUTERONOMIO 6:24 ပူးပေါင်းရင်းမြစ်များ

SALMOS 41:2

YandeYa oyangarekota jese, omeeta chupe tekove, oyeroviata oiko ɨvɨ pe; ngaraa oeya jovaicho reta oyuvanga vaerä jese.

SALMOS 41:3

YandeYa oyangarekota jese imbaerasɨ yave, jupa rupi oiko reve okuera katuta.

SALMOS 66:9

Echa jae ko omee yaikove vaerä; mbaetɨ omaeño yagüɨapi.

ÉXODO 20:20

Jare Moisés jei chupe reta: —Agüɨye pekɨɨye; echa pekuaa vaerä ou Tumpa, peipoɨu vaerä chugüi, agüɨye vaerä peyoa.

PROVERBIOS 22:4

Ñañemomichi jare yaipoɨu yandeYa güi yave, ñanoita mbaeyekou, mboromboete jare tekove katu.

PROVERBIOS 9:12

Ndearakuaa katu ko yave, ndeyeupegua ko; ërei ndeporoyóyai yoyaise ko yave, nde aeño ko reiporarata.

ISAÍAS 3:10

Ere jupi vae pe, ojo kavita ko, echa oyekouta jembiapo re.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Lucas 10:28

Jayave Jesús jei chupe: —Jaekavi rere. Eyapo jókuae jare reikoveta.

Romanos 10:5

Echa mborookuai rupi oyembojupi vae regua Moisés oikuatía körai: “Kia nunga oyapo kuae mbaembae vae, oikoveta.”

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:4

Ërei opaete pe reta yandeYa Tumpa reño perovia vae, peikove päveño añave.

DEUTERONOMIO 6:2

Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

DEUTERONOMIO 6:23

Jare orerenoe joko güi, orereru omee oreve kuae ɨvɨ güɨrökuavee jae jee re ñaneñemuñagüe reta pe vae.

DEUTERONOMIO 8:1

Peyeandu, pemomoe avei opaete mborookuai reta che poyókuai peyapo vaerä vae, peikove vaerä, peñemuña vaerä, jare peike vaerä pepɨ̈ro peyeupe jókuae ɨvɨ yandeYa güɨrökuavee peñemuñagüe reta pe vae.

DEUTERONOMIO 8:3

Jare oiporarauka peve, jare pemboyɨmbɨaɨuka, ërei pemongaru maná pe, tembíu mbaetɨ peikuaa vae, jare peñemuñagüe reta ave mbaetɨ oikuaa vae, jökorai oikuaauka vaerä peve, kërai mbɨyape reñoä ko kuimbae oikoveta, jaeño opaete yandeYa jei vae re ko kuimbae güɨnoita tekove.