DEUTERONOMIO 6:18 - Biblia Guarani Tumpa Iñee

¹⁸ Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;

DEUTERONOMIO 6:18 ပူးပေါင်းရင်းမြစ်များ

SALMOS 19:11

Jaeramiño vi che nderembiokuai ayemboarakuaauka pɨpe; ayapo yave, chemboyekou yae.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 38:3

“Romoñera cheYa, nemaendúa vaerä jupi rupi jare añetete rupi ayeokuai ndeve vae re, jare ayapo ndepɨa jemimbotaño.” Jare oyaeo ipɨatɨtɨ yae reve.

EZEQUIEL 18:19

Pe reta peparandu yave: ‘¿Maera ra taɨ oiporaraä vi tu iyoa re?’ Echa taɨ oyapo isɨmbi vae jare jupi vae, jare oyapo opaete cheporookuai reta; jáeramo oikoveta ko.

EZEQUIEL 18:21

Ërei iyoa vae opia yave opaete mbaeyoa oyapo oiko vae güi, jare oyapo yave cheporookuai jupi rupi, oikoveta ko, ngaraa omano.

EZEQUIEL 18:27

Ërei iyoa vae opia yave ikavimbae güi, jare oyapo yave jupi vae, güɨroasayepeta jekove.

EZEQUIEL 18:5

Kuimbae jupi vae, jae ko oyapo jupi vae jare isɨmbi vae:

EZEQUIEL 33:14

Che jae yave iyoa vae pe, ¡remanota!; ërei jae oyepoepɨ yave jeko kavimbae güi, jare oyapo ikavi vae jupi rupi,

EZEQUIEL 33:16

Ngaraa chemaendúa mbaeyoa reta oyapogüe re, echa oyapo ikavi vae jupi rupi, oikoveta oiko.’

EZEQUIEL 33:19

Iyoa vae oyepoepɨ yave jeko kavimbae güi, jare oyapo yave ikavi vae jupi rupi, jókuae jeko pegua oikoveta ko.

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

San Juan 8:29

Echa chembou vae oï che ndive. CheRu mbaetɨ chereeya che aeño. Echa ayapo avei jae oipota vae.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

DEUTERONOMIO 12:25

Agüɨye peu, peiko kavi vaerä pe jare peraɨ peraɨkue rupi, peyapo yave jupi vae yandeYa jesa róvai.

DEUTERONOMIO 12:28

Peendu jare peyapo opaete poyókuai vae, pe jare peraɨ reta peiko kavi avei vaerä, jupi vae jare sɨmbi vae peyapo yave yandeYa Tumpa jesa róvai.

DEUTERONOMIO 13:18

peyapo yave yandeYa Tumpa jei vae, peñovatu reve opaete mborookuai reta añave poyókuai jese peyapo vaerä sɨmbi vae yandeYa Tumpa jesa róvai.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

DEUTERONOMIO 6:10

YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

DEUTERONOMIO 6:19

jae omoë vaerä omombo perovaicho reta perenonde güi, yandeYa jei rami.

DEUTERONOMIO 8:11

Peyeandu agüɨye vaerä peakañɨ yandeYa Tumpa güi, agüɨye peakañɨ peyapo iporookuai reta che poyókuai añave jese vae.