DEUTERONOMIO 6:14 - Biblia Guarani Tumpa Iñee

¹⁴ Agüɨye pemboete tumpa ambuae vae reta, tëta reta peɨpɨ rupigua itumpa reta,

DEUTERONOMIO 6:14 ပူးပေါင်းရင်းမြစ်များ

2 REYES 17:35

YandeYa oyapo morogüɨrökuavee päve kuae reta ndive yave, oyókuai körai: “Agüɨye peipoɨu ïru tumpa reta güi, agüɨye pemboete, agüɨye vi pemee chupe mɨmba oyeyukagüe reta,

SALMOS 44:20

Oreakañɨ yave mona nderee güi oreTumpa, ani roupi orepo romboete vaerä tumpa ambuae,

ÉXODO 20:3

Agüɨye pereko ïru tumpa reta chegüi.

JEREMÍAS 25:6

Agüɨye pemboete tumpa ambuae reta; agüɨye peyeokuai chupe reta, agüɨye vi pemboete. Agüɨye pemboarasɨuka yandeYa, pemboete tumpa reta pe aeño peyapo peyeupe vae rupi, jayave jae ngaraa ombou peve mbae ikavimbae.’

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

DEUTERONOMIO 11:28

Peikota yepopeyu rupi, mbaetɨ yave peyapo yandeYa Tumpa iporookuai reta jare pepia yave pomboe añave jese vae güi, pemboete vaerä tumpa ambuae reta peikuaambae.

DEUTERONOMIO 13:7

tëta reta ndeɨvɨrigua, köiño vae ani mombɨrɨ ndegüi vae itumpa reta, ɨvɨ jembeɨ güive ïru jembeɨ pe,

DEUTERONOMIO 5:7

Agüɨye pereko ïru tumpa reta chegüi.

DEUTERONOMIO 8:19

Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.

1 Juan 5:21

Cheraɨ aaɨu vae reta, peyeandu tumpa-raanga reta güi. ¡Amén!