DEUTERONOMIO 6:12 - Biblia Guarani Tumpa Iñee

¹² peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

DEUTERONOMIO 6:12 ပူးပေါင်းရင်းမြစ်များ

2 REYES 17:36

che peYa, pogüɨnoe ɨvɨ Egipto güi mbaepuere yae ndive, chegüi peipoɨu, chemboete jare cheve pemee mɨmba oyeyukagüe.

2 REYES 17:38

Agüɨye peakañɨ morogüɨrökuavee päve che ayapo pe reta ndive vae güi, agüɨye pemboete tumpa-raanga reta.

JOB 8:13

Jökorai ko opaete iñakañɨ Tumpa güi vae reta, iyoa vae reta oäro tëi vae okañɨta ko.

SALMOS 103:2

Tamboete cheYa, opaete chepɨa ndive; agüɨye tacheakañɨ metei iporerekua güi ave.

SALMOS 44:17

Opaete kuaekuae reta ou oreve, ërei mbaetɨi oreakañɨ ndegüi, mbaetɨ vi royavɨ ndeporogüɨrökuavee päve.

SALMOS 59:11

Agüɨye opaete voi eyuka, cherëtaɨgua reta oecha vaerä; ndembaepuere pe opa emoai moai, jare emomichi reta. ¡CheYa Tumpa, oreyeopiaka!

SALMOS 78:7

Tumpa reño oyeko reta vaerä, agüɨye vaerä iñakañɨ reta Tumpa oyapogüe güi; oyapo avei vaerä iporookuai reta,

ÉXODO 13:14

jare ïru ara rupi peraɨ reta oparandu yave peve: ‘¿Mbae pa ko kuae?’ Pe pereta chupe reta: ‘YandeYa orerenoe imbaepuere yae ete rupi Egipto güi, yeokuaiasɨ katu güi.

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

JEREMÍAS 34:13

“Che, ndeYa Israel iTumpa, ayapo morogüɨrökuavee päve peñemuñagüe reta ndive anoe reta yave ɨvɨ Egipto güi, jókuae oyeokuaiasɨ katúa güi. Ayókuai reta

OSEAS 2:13

Aiporaraukata chupe ara reta oasagüe re oapɨ ikäti kavi vae incienso baal reta pe vae re, oñemopöra yave moäka-vera pe jare mboɨ pe, ojo iyaguasa reta jupíe jare ñakañɨ chegüi. Jei yandeYa.

NÚMEROS 15:39

Jökorai, peecha jókuae peremimonde jopea yave, pemaendúa vaerä opaete mborookuai reta yandeYa omee peve peyapo vaerä vae re; jökorai agüɨye vaerä pemae pepɨa jare peresa jemimbota re, jare peñererokomegua pɨpe.

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 8:10

Pekaruta jare perɨ̈vɨatata, jare pemboeteta yandeYa Tumpa ɨvɨ kavi omee peve vae re.

Colosenses 2:8

Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨ pegua yemboe reta, mbaetɨ oyeko reta Cristo re.

JUECES 2:12

Oeya reta yandeYa, iñemuñagüe reta iTumpa, Egipto güi güɨnoe reta vae, jare oguata reta tumpa ambuae reta jupíe, iyɨ́vɨri rupi tëta reta ñogüɨnoi vae itumpa reta, jókuae omboete reta; jökorai omboarasɨuka reta yandeYa.