DEUTERONOMIO 6:11 - Biblia Guarani Tumpa Iñee

¹¹ o tɨnɨe jeta mbaembae pe vae, pe mbaetɨ pemotɨnɨe vae, jare ɨrɨru oyeyoogüe, peyoombae vae, jare uvarupa jare ɨvɨra olivorupa pe peñotɨmbae vae, jare peu ma jare perɨ̈vɨata ma yave,

DEUTERONOMIO 6:11 ပူးပေါင်းရင်းမြစ်များ

NEHEMÍAS 9:25

Jare opɨ̈ro reta tëta guasu oñekëse kavi ñogüɨnoi tëi vae, jare ɨvɨ kavi, o reta jeta mbaembae ikavigüe güɨnoi vae, ɨrɨru reta, uvarupa reta, ɨvɨra olivorupa reta, jare ïru ɨvɨra ia vae reta; okaru reta, oyemoangapɨɨ reta jare oyekou reta ndepɨakavi re.

SALMOS 105:44

omee chupe reta ïru tëtaguasu reta iɨvɨ ïru tëta reta iparavɨkɨagüe opɨta jae reta imbaerä,

DEUTERONOMIO 11:15

Omeeta vi ñana reta jokɨ vaerä perɨmba reta peguarä, pekaruta jare perɨ̈vɨatata.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 19:1

YandeYa Tumpa opa ma omboai tëtaguasu reta omee peiko vaerä pɨpe vae yave, peiko ma tëta guasu reta pe jare peiporu ma o reta yave,

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

JOSUÉ 24:13

Che amee peve ɨvɨ, pe mbaetɨ peparavɨkɨ pɨpe vae jare tëta guasu reta, pe mbaetɨ pemopüa vae, añave peiko pɨpe vae jare peu uva jare ɨvɨra olivo iagüe, pe mbaetɨ peñotɨ vae.”

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.