DEUTERONOMIO 6:10 - Biblia Guarani Tumpa Iñee

¹⁰ YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

DEUTERONOMIO 6:10 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

NEHEMÍAS 9:25

Jare opɨ̈ro reta tëta guasu oñekëse kavi ñogüɨnoi tëi vae, jare ɨvɨ kavi, o reta jeta mbaembae ikavigüe güɨnoi vae, ɨrɨru reta, uvarupa reta, ɨvɨra olivorupa reta, jare ïru ɨvɨra ia vae reta; okaru reta, oyemoangapɨɨ reta jare oyekou reta ndepɨakavi re.

SALMOS 105:44

omee chupe reta ïru tëtaguasu reta iɨvɨ ïru tëta reta iparavɨkɨagüe opɨta jae reta imbaerä,

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 19:1

YandeYa Tumpa opa ma omboai tëtaguasu reta omee peiko vaerä pɨpe vae yave, peiko ma tëta guasu reta pe jare peiporu ma o reta yave,

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 6:18

Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;

DEUTERONOMIO 6:23

Jare orerenoe joko güi, orereru omee oreve kuae ɨvɨ güɨrökuavee jae jee re ñaneñemuñagüe reta pe vae.

DEUTERONOMIO 8:12

Agüɨye pekaru jare perɨ̈vɨata yave, jare pemopüa perorä ikavigüe yave,

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

JOSUÉ 24:13

Che amee peve ɨvɨ, pe mbaetɨ peparavɨkɨ pɨpe vae jare tëta guasu reta, pe mbaetɨ pemopüa vae, añave peiko pɨpe vae jare peu uva jare ɨvɨra olivo iagüe, pe mbaetɨ peñotɨ vae.”