DEUTERONOMIO 5:29 - Biblia Guarani Tumpa Iñee

²⁹ ¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:29 ပူးပေါင်းရင်းမြစ်များ

1 CRÓNICAS 29:18

Oreya, Abraham iTumpa, Isaac jare oñemuñagüe Israel iTumpa, emee ndembae vae reta pe togüɨnoi avei vaerä kuae ipɨa-kɨ̈reɨ ngatu, emee ipɨa pe imaendúa reta avei vaerä ndekotɨ.

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 19:11

Jaeramiño vi che nderembiokuai ayemboarakuaauka pɨpe; ayapo yave, chemboyekou yae.

SALMOS 19:12

¿Kia pa ipuereta oikuaa imbaeyoa reta? Chereepɨ mbaeyoa reta aikuaambae oï cheré vae güi.

SALMOS 78:7

Tumpa reño oyeko reta vaerä, agüɨye vaerä iñakañɨ reta Tumpa oyapogüe güi; oyapo avei vaerä iporookuai reta,

SALMOS 81:16

Tumpa omongaruta viña imbae vae reta trigo ikavigüe pe, jare ei ñana rupigua pe omoangapɨɨta tëi ko.

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

JEREMÍAS 42:6

Güɨramoi, ikavi ani mbaetɨ ikavi oreve jae jei vae, royókuai reyerure vaerä chupe, royapota yandeYa Tumpa jei vae, roiko kavi vaerä.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 19:42

jei reve: “¡Reikuaa yave mona ndeyeupe kuae ara ko jae renoita tëi vi mbɨakatu vae! Ërei añave oñeomi oï ndegüi.

San Juan 15:14

Pe reta ko jae chevɨa-ïru, che jae peve vae peyapo yave.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Efesios 6:3

reiko kavi vaerä, jare reikopuku vaerä ɨvɨ pe.

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 11:1

Peaɨu yandeYa Tumpa, peyapo opaete iporookuai reta ara ñavo.

DEUTERONOMIO 12:25

Agüɨye peu, peiko kavi vaerä pe jare peraɨ peraɨkue rupi, peyapo yave jupi vae yandeYa jesa róvai.

DEUTERONOMIO 12:28

Peendu jare peyapo opaete poyókuai vae, pe jare peraɨ reta peiko kavi avei vaerä, jupi vae jare sɨmbi vae peyapo yave yandeYa Tumpa jesa róvai.

DEUTERONOMIO 19:13

Agüɨye peiparareko, jökorai agüɨye vaerä oime jekombae jugüɨ oyepɨyere vae pepɨte pe, jökorai peiko kavi vaerä.

DEUTERONOMIO 22:7

tomaeño tojo ichɨ, jaeño togüeru güɨra raɨ. Jökorai peiko kavi vaerä jare peiko puku vaerä.

DEUTERONOMIO 4:10

Jókuae ara peï yave ɨvɨtɨ Horeb pe yandeYa Tumpa jóvai, yandeYa jei cheve: ‘Emboatɨ cheve opaete vae, aenduka vaerä cheñee chupe reta, kuae rupi oikuaa reta vaerä oipoɨu avei chegüi opaete ara oikove yogüɨreko ramboeve ɨvɨ pe, jare omboe reta vaerä taɨ reta oyapo vi jökorai.’

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.

DEUTERONOMIO 5:30

Ekua jare ere chupe reta yogüɨraja ye vaerä jo guakapi pegua ñavo rupi;

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

DEUTERONOMIO 6:17

Peñovatu peyeandu reve kavi yandeYa Tumpa oyapogüe reta jare iporookuai reta peokuai jese vae.

DEUTERONOMIO 6:18

Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;

DEUTERONOMIO 6:3

Pe, Israel iñemuña reta, peendu peyeupe, peyeandu avei agüɨye vaerä peakañɨ peyapo, peiko kavi vaerä jókuae ɨvɨ kavi pe, peñemuña vaerä jeta, yandeYa, peñemuñagüe reta iTumpa güɨrökuavee peve rami.

DEUTERONOMIO 8:6

Jayave peñovatu yandeYa Tumpa iporookuai reta, peguata jupi, jare peipoɨu avei chugüi.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Santiago 1:25

Ërei kia nunga vae omae kavi mborookuai ikavi yae vae jare oporoyora vae re vae jare oiko jókuae rupi, mbaetɨ iñakañɨ ngatu oyapo vaerä mborookuai jei vae yave, oyerovia ko jókuae oyapogüe re.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

RUT 3:1

Jókuae güire Noemí jei Rut pe: —Chemembɨ, che taeka nemerä, reiko kavi vaerä.