DEUTERONOMIO 5:27 - Biblia Guarani Tumpa Iñee

²⁷ Nde eya jese, jare eendu opaete ñee yandeYa Tumpa jei vae, javoi emombeu oreve opaete yandeYa Tumpa jei ndeve vae, jare ore toroendu jare toroyapo.’

DEUTERONOMIO 5:27 ပူးပေါင်းရင်းမြစ်များ

ÉXODO 18:20

Jare emboe reta mborookuai reta re, jare eechauka kavi chupe reta kërai yogüɨreko vaerä jare mbae ra oyapo retata vae.

ÉXODO 19:8

Jare opaete vae metei rami jei: —Opaete yandeYa jei vae royapota ko. Jare Moisés güɨraja omombeu yandeYa pe kuae tëta iñee,

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ÉXODO 20:19

Jare jei reta Moisés pe: —Ndeño nemiari oreve, jare ore toroendu; ërei agüɨye Tumpa timiari ore ndive, agüɨye vaerä romano.

ÉXODO 24:3

Jare Moisés ou omombeu Israel iñemuña reta pe, opaete yandeYa iñee reta jare opaete mborookuai reta; jare opaete reve metei rami jei reta Moisés pe: —¡Toroyapo opaete yandeYa jei vae!

JEREMÍAS 42:5

Jayave jae reta jei Jeremías pe: —YandeYa Tumpa jupi vae jare añete vae, jae toï oreve oecha vaerä, mbaetɨ yave royapo opaete jae ndeokuai remombeu oreve vae.

JEREMÍAS 42:6

Güɨramoi, ikavi ani mbaetɨ ikavi oreve jae jei vae, royókuai reyerure vaerä chupe, royapota yandeYa Tumpa jei vae, roiko kavi vaerä.

DEUTERONOMIO 5:26

echa, ¿mbae pa kuimbae oendu etei vaerä Tumpa oikove vae iñee tata jendɨ vae güi, ore roendu rami jare roikoveño?

DEUTERONOMIO 5:28

Pemiari cheve ramboeve yandeYa oendu peñee reta pere cheve vae, jare jei cheve: ‘Aendu opaete vae iñee reta jei ndeve vae, jaekavi ko opaete jei reta ndeve vae.

Hebreos 12:19

mbaetɨ peendu mimbɨguasu iñee jare Tumpa iñee oyeendu vae, jókuae oendu vae reta oyerure Moisés pe agüɨye vaerä ma Tumpa imiari chupe reta,

JOSUÉ 24:24

Jare opaete vae jei Josué pe: —YandeYa Tumpa peño toroyeokuai jare toroyapo jae oreokuai vae.