DEUTERONOMIO 5:2 - Biblia Guarani Tumpa Iñee

² YandeYa Tumpa oyapo yande ndive morogüɨrökuavee päve ɨvɨtɨ Horeb pe.

DEUTERONOMIO 5:2 ပူးပေါင်းရင်းမြစ်များ

2 REYES 17:35

YandeYa oyapo morogüɨrökuavee päve kuae reta ndive yave, oyókuai körai: “Agüɨye peipoɨu ïru tumpa reta güi, agüɨye pemboete, agüɨye vi pemee chupe mɨmba oyeyukagüe reta,

ÉXODO 19:1

Mboapɨa yasɨ ma Israel iñemuña reta opa ñogüɨnoe ɨvɨ Egipto güi yave, jókuae ara etei opa yogüɨraja oväe ñuu Sinaí pe.

ÉXODO 24:8

Jayave Moisés oipɨɨ tugüɨ jare oñapiramo opaete Israel iñemuña reta iárambo, jei reve: —Kuae ko jae tugüɨ morogüɨrökuavee päve regua, yandeYa oyapo pe reta ndive, opaete kuae mbaembae reta regua vae.

ÉXODO 34:10

Tumpa jei chupe: “Mase, che ayapo morogüɨrökuavee päve opaete vae jovake, jare ayapota mɨakañɨ reta mbaetɨ oyeapo ɨvɨ pe vae, metei tëtaguasu pe ave mbaetɨ oyeapo vae, jare che peYa jembiapo oechata opaete vae, nde reï ipɨte pe vae reta, echa mɨakañɨ tuicha yae ete vae ko che ayapota nde ndive.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

JEREMÍAS 34:13

“Che, ndeYa Israel iTumpa, ayapo morogüɨrökuavee päve peñemuñagüe reta ndive anoe reta yave ɨvɨ Egipto güi, jókuae oyeokuaiasɨ katúa güi. Ayókuai reta

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

DEUTERONOMIO 1:6

“YandeYa Tumpa jei yandeve Horeb pe, körai: ‘Ɨma yae ma peiko kuae ɨvɨtɨ rupi.

DEUTERONOMIO 29:1

Kuae jae ko ñee reta morogüɨrökuavee päve pegua, yandeYa oyókuai Moisés oyapo vaerä Israel iñemuña reta ndive ɨvɨ Moab pe vae, jókuae morogüɨrökuavee päve oyapo Horeb pe vae oime güire.

DEUTERONOMIO 4:13

Jare jae oikuaauka peve iporogüɨrökuavee päve jae ko payandepo mborookuai reta vae jare peokuai peyapo vaerä; jare oikuatía mókoi ita ipe vae re.

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.