DEUTERONOMIO 4:7 - Biblia Guarani Tumpa Iñee

⁷ Echa ¿kia nunga tëtaguasu pa oime köi yae itumpa-raanga oï chugüi vae, yande yandeYa Tumpa yayerure avei chupe vae köi oï yandegüi rami?

DEUTERONOMIO 4:7 ပူးပေါင်းရင်းမြစ်များ

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

SALMOS 145:18

YandeYa köiño oï oenɨi vae güi, opaete añetete oenɨi vae güi.

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

SALMOS 148:14

¡Jae ko ombotuicha yae tëta imbae vae imbaepuere! ¡Pemboete yandeYa, opaete imbae vae reta, pe Israel iñemuña reta! ¡Pe köiño peï chugüi vae reta! ¡Aleluya!

SALMOS 34:17

Jupi vae reta osapúkai, jare yandeYa oendu; jare oepɨ opaete ipɨatɨtɨ güi.

SALMOS 34:18

YandeYa köiño oï ipɨatɨtɨ yae vae reta güi; jare oepɨ ipɨatɨtɨ yae vae reta.

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

SALMOS 73:28

Ërei cheve ikavi yae vae ko, köiño aï ndegüi vae, cheYa Tumpa, ndereño anoi cheporoäro, amoërakua vaerä opaete nde reyapogüe.

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

ISAÍAS 43:4

Echa ndereepɨ yae ko amae nderé, che roaɨu yae ko. Rogüɨnoi vaerä che ndive jare rogüɨroasayepe vaerä, amee ko nderekovia pe kuimbae reta jare tëtaguasu reta.

ISAÍAS 55:6

“Eeka yandeYa ipuere oñeväe ramboeve, eenɨi köi oï ramboeve.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

Hechos 17:27

Ipuere vaerä oeka reta Tumpa jare güɨramoi oväe vaerä iyeupe reta. Echa añetete jae mbaetɨ ko mombɨrɨ oï yandegüi.

DEUTERONOMIO 26:19

Jae pembotuicha vaerä opaete ïru tëtaguasu reta oyapogüe güi, mbaemboete pe, jare perërakua yaeta vae pe, peiko vaerä jae jei rami: Tëta oñeñono tee yandeYa Tumpa peguarä vae.”

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”

DEUTERONOMIO 4:32

Peparandu añave, oime ra pegüi reta tenonde rupi, Tumpa oyapo ramo ɨvɨ güive jembeɨ güi ïru jembeɨ kotɨ oyeapo ma kuae nunga ani jërakua kuae oyeapo peve rami etei vae.

DEUTERONOMIO 5:26

echa, ¿mbae pa kuimbae oendu etei vaerä Tumpa oikove vae iñee tata jendɨ vae güi, ore roendu rami jare roikoveño?

Santiago 4:8

Peyemboya Tumpa re jare jae oyata peré. Iyoa vae reta, peyepoe. Pe iyemongeta oipoepɨ katu vae reta, peitɨo pepɨa.