DEUTERONOMIO 4:6 - Biblia Guarani Tumpa Iñee

⁶ Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’

DEUTERONOMIO 4:6 ပူးပေါင်းရင်းမြစ်များ

1 REYES 4:34

Jare Salomón iyarakuaa katu oendu reta vaerä yogüeru opaete tëta ñavo kotɨ güi, opaete mburuvicha guasu reta ñogüɨnoia ñavo kotɨ güi, iyarakuaa katu jërakua ojo oväea kotɨ güi.

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 111:10

YandeYa güi yaipoɨu vae re ko oï arakuaa katu; yarakuaa katu ko, opaete oyapo yandeYa iporookuai reta vae. ¡Tumpa oyemboete aveita ko!

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

SALMOS 19:8

Sɨmbi ko yandeYa iporookuai reta, oporomboyerovia vae, ikɨambae ko yandeYa iporookuai, oechauka opaete mbaembae vae.

PROVERBIOS 1:4

Yemboarakuaa mbaetɨ arakuaa güɨnoi vae pe, taɨrusu vae reta pe oñemee vaerä arakuaa katu jare yemongeta kavi.

PROVERBIOS 1:5

Yarakuaa katu vae oenduta, jare oñemoïru yé chupe iyarakuaa katu, yarakuaa katu vae omoïru iyarakuaa katu.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 14:34

Mbae jupi vae, ombotuicha tëtaguasu; ërei mbaeyoa, ñemomarai ko tëtaguasu reta peguarä.

PROVERBIOS 14:8

Kuimbae yarakuaa vae, iyarakuaa rupi oikuaa jeko, ërei ipokimbae reta, oyembotavɨ iyarakuaambae rupi aeño.

ISAÍAS 42:21

YandeYa oyerovia jupi vae oaɨu yae jeko pegua, jáeramo ombotuicha yae iporookuai reta, imboetea yae vaerä;

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

EZEQUIEL 5:5

Che ndeYa Tumpa jae körai: Jae kuae Jerusalén. Che ko añono oï vaerä mbɨte pe tëtaguasu reta pe, jare iyɨvɨrigua reta peguarä.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

DANIEL 4:9

Beltsasar, ichoropa vae reta juvicha, aikuaa oime ko nderé Tumpa Iyoambae iespíritu, jare mbaetɨ etei metei ave yaikuaambae vae oñemi ndegüi, eikuaauka cheve chepaɨu pe aecha vae jare mbae ko oipota jei vae.

OSEAS 8:12

Yepe tëi aikuatía chupe jeta yemboe cheporookuai reta re, ërei jae mbaeä etei omae jese.

MALAQUÍAS 3:12

“Jare opaete ïru tëtaguasu reta jeita peve: ‘Oyerovia vae reta’, echa peɨvɨ kavi yaeta.” Jei yandeYa Imbaepuere yae ete vae.

DEUTERONOMIO 29:9

Jáeramo, peñovatu ñee reta kuae morogüɨrökuavee päve pegua, peyapo jeigüe, oë kavi vaerä peve opaete mbaembae peyapo vae.

DEUTERONOMIO 32:46

Jare jei Israel iñemuña reta pe: “Peendu kavi opaete ñee reta chemiari añave vae re, pemboe vaerä peraɨ reta, oyeandu reve kavi oyapo reta vaerä opaete ñee reta kuae mborookuai pegua.

DEUTERONOMIO 32:47

Echa mbae nungaiñoä ko kuae ñee reta; tekove ko peveguarä, kuae mborookuai rupi ko peiko pukuta jókuae ɨvɨ peota peiko pɨpe vae pe, kuri peasa ma ɨ̈aka Jordán yave.”

2 Timoteo 3:15

jare kërai nemichi güive reikuaa Tumpa Iñee re. Jókuae reta ndemboarakuaata yemboasa re, mborogüɨrovia Cristo Jesús rupi.

Santiago 3:13

Oime yave kia pepɨte pe iyarakuaa vae, toiko kavi. Toechauka jembiapo reta rupi jeko kavi oñemomichi reve kavi.