DEUTERONOMIO 4:5 - Biblia Guarani Tumpa Iñee

⁵ Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 4:5 ပူးပေါင်းရင်းမြစ်များ

SALMOS 71:17

CheRu Tumpa, nde chemboe ko chetaɨrusu güive, jare añave rupi jekuae amombeu mbae tuichagüe reyapo vae.

ÉXODO 18:20

Jare emboe reta mborookuai reta re, jare eechauka kavi chupe reta kërai yogüɨreko vaerä jare mbae ra oyapo retata vae.

JEREMÍAS 11:6

Jayave yandeYa jei cheve: “Emoërakua opaete kuae ñee tëta guasu reta Judá pegua pe jare kaye Jerusalén pegua rupi, körai: ‘Peyeapɨsaka morogüɨrökuavee päve pegua ñee reta jei vae re jare peyapo.

EZEQUIEL 20:11

joko pe amee chupe reta mborookuai reta; kia oendu jare oyapo vae oikove vaerä.

LEVÍTICO 19:19

Peyapo cheporookuai reta. Agüɨye perɨmba pemboyopɨɨ mɨmba ambuaeyee vae ndive. Agüɨye pemboyea yea temitɨ jäɨ peñotɨ peko pe. Agüɨye peyemonde temimonde ipɨaa oyea yea vae pe.

LEVÍTICO 26:46

Jae ko kuae mborookuai reta jare mboromboe reta yandeYa oyapo oyoupe Israel iñemuña reta ndive, Moisés rupi ɨvɨtɨ Sinaí re vae.

LEVÍTICO 27:34

Jae ko kuae mborookuai reta yandeYa omee Moisés pe, ɨvɨtɨ Sinaí re, Israel iñemuña reta peguarä vae.

LEVÍTICO 7:38

Kuaekuae re ayókuai Moisés ɨvɨtɨ Sinaí re, jókuae ara amee mborookuai Israel iñemuña reta pe, omee reta vaerä mbota che peYa pe, ñuu Sinaí pe.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Hechos 20:27

Echa amombeu kavi peve opaete Tumpa jei vae.

1 Corintios 11:28

Jáeramo metei ñavo tomae kavi iyé, jayave tou jókuae mbɨyape jare jókuae vino.

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

DEUTERONOMIO 11:32

peyapo opaete mborookuai reta oyeapogüe, añave che amee peve vae.

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

DEUTERONOMIO 4:4

Ërei opaete pe reta yandeYa Tumpa reño perovia vae, peikove päveño añave.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

DEUTERONOMIO 7:11

Jáeramo, peyapo mborookuai reta che poyókuai peyapo vaerä vae.

DEUTERONOMIO 8:11

Peyeandu agüɨye vaerä peakañɨ yandeYa Tumpa güi, agüɨye peakañɨ peyapo iporookuai reta che poyókuai añave jese vae.

Hebreos 3:5

Añete Moisés jupi opaete Tumpa jo pe, tembiokuai rami, omoërakua vaerä taɨkue rupi oikota vae.