DEUTERONOMIO 4:38 - Biblia Guarani Tumpa Iñee

³⁸ Omoë omombo peróvai güi tëtaguasu reta tuichagüe, imbaepuere yae pegüi vae, pereroike vaerä pɨpe, omee vaerä peve ɨvɨ pembaerä, añave rami.

DEUTERONOMIO 4:38 ပူးပေါင်းရင်းမြစ်များ

2 CRÓNICAS 20:11

Mase, jae reta añave omboekovia oreve, echa oñemopüa oreré orerenoe vaerä oremombo kuae ɨvɨ nde remee orembaerä vae güi.

2 CRÓNICAS 20:7

OreTumpa, nde renoe remombo kuae ɨvɨ pe yogüɨreko vae reta tëta Israel ndembae vae jenonde güi, jare remee ndevɨa-ïru Abraham iñemuña reta pe, jekuae avei pegua.

NÚMEROS 32:4

jókuae ɨvɨ yandeYa opɨ̈ro Israel iñemuña reta peguarä vae, ikavi mɨmba reta peguarä, jare ore oime mɨmba rogüɨreko.

NÚMEROS 34:14

echa mókoi ñemuña jare metei ñemuña oyemboyao vae oime ma güɨnoi reta iɨvɨ imbaerä, Jordán güi kuaraɨ oëa kotɨ, Jericó jóvai. Jae ko Rubén jare Gad iñemuña reta, jare Manasés iñemuña reta oyemboyaogüe.”

DEUTERONOMIO 11:23

yandeYa omoëta vi omombo perenonde güi opaete tëtaguasu reta, jare pe pepɨ̈rota tëtaguasu reta tuicha yae jare imbaepuere yae pegüi vae.

DEUTERONOMIO 2:31

Jare yandeYa jei cheve: ‘Mase, ko amboɨpɨ amee Sehón jare iɨvɨ pepo pe, peike peyemombae imbaegüe re.’

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

DEUTERONOMIO 8:18

Jaeño pemaendúa yandeYa Tumpa re, echa jae ko omee peve mbaepuere penoi vaerä mbaeyekou, jökorai oyembopo vaerä morogüɨrökuavee päve oyapo jee re peñemuñagüe reta pe vae, añave rupi rami.

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.