DEUTERONOMIO 4:34 - Biblia Guarani Tumpa Iñee

³⁴ ¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 4:34 ပူးပေါင်းရင်းမြစ်များ

SALMOS 136:12

imbaepuere yae rupi güɨnoe vae, echa iporoparareko jekuae avei vae ko.

SALMOS 24:8

¿Kia pa ko kuae Mburuvicha guasu imboetea yae vae? ¡Jae ko yandeYa imbaepuere jare jëia yae vae! ¡Jae ko yandeYa imbaepuere yae ñeraro pe vae!

SALMOS 78:12

Tumpa oyapo mɨakañɨ reta iñemuñagüe reta jóvai, Egipto pe, ɨvɨ Zoán pe.

ÉXODO 1:9

“Mase, kuae tëta Israel iñemuña reta jeta yae ma jare imbaepuere yae reta ma yandegüi.

ÉXODO 10:21

YandeYa jei Moisés pe: —Emopüa ndepo ara kotɨ ou vaerä pɨtumimbi opaete ɨvɨ Egipto re, tipɨtumimbi yeyé opaete vae oyandu etei vaerä.

ÉXODO 10:7

Jayave Faraón jembiokuai reta jei: —¿Kërai yave pa ikueraita yandembosusere kuae kuimbae? Emaeño mo toyogüɨraja kuae kuimbae reta omboete vaerä iYa Tumpa. ¿Mbaetɨ pa reikuaa Egipto opa ma ko oyemboai oï vae?

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 14:30

Jökorai jókuae ara yandeYa güɨroasayepe Israel iñemuña reta Egiptoɨgua reta güi; jare Israel iñemuña reta oecha Egiptoɨgua reta jëogüegüe ɨguasu jembeɨ rupi.

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 19:4

“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ÉXODO 3:10

Jáeramo añave eyu, romondota Faraón oïa pe, renoe vaerä Egipto güi tëta chembae, Israel iñemuña reta.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ÉXODO 7:3

Ërei che amotätata Faraón ipɨa, jare ayapota jeta mɨakañɨ reta ɨvɨ Egipto pe.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

JEREMÍAS 21:5

Che etei añorarota pe ndive, opaete chembaepuere ndive jare chearasɨ yae reve.

JEREMÍAS 32:21

Renoe ɨvɨ Egipto güi Israel iñemuña reta; renoe ndembaepuere pe mɨakañɨ reta tuichagüe ndive, remongɨɨye yae reve opaete vae.

NÚMEROS 20:16

Jare rosapúkai yandeYa pe, jare jae oendu oreyerure, ombou metei araɨgua orerenoe Egipto güi. Añave, ko ma roï Cades pe, tëta köi oï ndeɨvɨ jembeɨ güi vae pe.

DEUTERONOMIO 1:30

YandeYa Tumpa ko ojota perenonde, jae oñorarota peré, peecha Egipto pe oyapo rami.

DEUTERONOMIO 10:21

Echa ikotɨño ko penoita opaete mbaemboete, jaeño ko peTumpa, oyapo peve opaete kuae mbaembae tuicha yae vae jare mɨakañɨ reta peecha vae.

DEUTERONOMIO 11:2

Peikuaa añave yandeYa Tumpa iporombosɨmbi re, peraɨ reta mbaetɨ oikuaa jare mbaetɨ vi oecha. Peikuaa yandeYa Tumpa iporonupa, tuicha yae vae, imbaepuere yae vae jare ipo oporoiämondo yae vae,

DEUTERONOMIO 26:8

orerenoe Egipto güi imbaepuere yae rupi jare ipo oporoiämondo yae vae rupi, yemongɨɨye tuicha vae rupi jare jeta mɨakañɨ reta rupi,

DEUTERONOMIO 29:3

pe reta peecha ko opaete jókuae yemboaporova tuichagüe jare mɨakañɨ tuichagüe.

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”

DEUTERONOMIO 34:12

jare mbaepuere tuicha yae vae pe, jare opaete mɨakañɨ guasu yavaetegüe Moisés oyapo opaete Israel iñemuña reta jovake vae pe.

DEUTERONOMIO 5:15

Pemaendúa peikose tembiokuai ɨvɨ Egipto pe vae re, jare peYa Tumpa perenoe joko güi imbaepuere pe, jáeramo peYa Tumpa peokuai peñovatu vaerä ara mbutuu pegua.

DEUTERONOMIO 6:21

Jayave pe pereta peraɨ reta pe: ‘Ore roikose Egipto pe Faraón jembiokuairä, jare yandeYa orerenoe Egipto güi imbaepuere pe.

DEUTERONOMIO 7:19

Yemboaporova tuichagüe peecha vae, jare mɨakañɨ yavaetegüe, jare mbaepuere tuichagüe rupi yandeYa Tumpa oyapo perenoe vaerä vae re. Jökoraita yandeYa Tumpa oyapo opaete pekɨɨye chugüi vae.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’

JOSUÉ 24:7

Jare jae reta oyerure cheve yave, che ambopɨtumimbi jae reta jaɨkue kotɨ, Egiptoɨgua reta jenonde, jare ɨguasu pe opa ayasoi Egiptoɨgua reta. Peñemuñagüe reta oecha Egipto pegua reta pe ayapo vae. Jaɨkue rupi pe reta peiko ɨma año ñuu rupi,

1 Pedro 5:6

Jáeramo, peñemomichi Tumpa imbaepuere tuicha yae vae jóvai, jae pembotuicha vaerä ara oväe yave.