DEUTERONOMIO 4:31 - Biblia Guarani Tumpa Iñee

³¹ echa oporoparareko vae ko yandeYa Tumpa; ngaraa pereeya jare ngaraa pemboai, ngaraa vi ñakañɨ morogüɨrökuavee päve peñemuñagüe reta pe oyapo jee re vae güi.

DEUTERONOMIO 4:31 ပူးပေါင်းရင်းမြစ်များ

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

SALMOS 103:8

YandeYa, iporoparareko yae vae ko jare oyeaeä yae vae ko; jae mbaetɨ iyarasɨ raivi vae ko jare iporoparareko yae vae.

SALMOS 105:8

Jae imaendúa avei iporogüɨrökuavee päve re, jókuae jekuae avei pegua oyapo vae re,

SALMOS 111:4

Ñaneakañɨ rapembae ko mɨakañɨ reta oyapogüe güi. YandeYa, iyeaeä jare iporoparareko vae ko;

SALMOS 111:5

oipoɨu chugüi vae reta pe omee tembíu; ¡imaendúa aveita, morogüɨrökuavee päve oyapo vae re!

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 116:5

Iyeaeä jare jupi ko yandeYa, iporoparareko yae ko ñaneTumpa.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

ÉXODO 6:8

Pogüɨrajata poñono Abraham, Isaac jare Jacob pe chepo amopüa reve añererökuavee amee vaerä ɨvɨ chupe reta vae pe, che ameeta peve pembaerä. Che ko peYa.

JEREMÍAS 14:21

¡Nderee reaɨu jeko pegua, agüɨye oremombo; agüɨye eröɨro tëta guasu ndeporookuaía mbaemboete pegua oïa! ¡Nemaendúa morogüɨrökuavee päve reyapo ore ndive vae re, agüɨye emboasaiño jökorai!

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

LEVÍTICO 26:42

che chemaenduata morogüɨrökuavee päve ayapo Jacob ndive, Isaac ndive, jare Abraham ndive vae re, jare chemaenduata vi peɨvɨ re.

LEVÍTICO 26:44

Yepe tëi opaete kuae mbaembae reta oasa pe reta ndive, peiko ramboeve perovaicho reta iɨvɨ pe, che ngaraa pogüɨröɨro, ngaraa vi pogüɨromara jare pomokañɨtei, ngaraa amboai morogüɨrökuavee päve ayapo peñemuñagüe reta ndive vae, echa che ko peYa Tumpa.

LEVÍTICO 26:45

Chemaenduata morogüɨrökuavee päve ayapo peñemuñagüe reta ndive vae re, Egipto güi pogüɨnoe yave opaete ɨvɨ pegua reta jovake, aiko vaerä peTumparä. Che ko jae peYa.”

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.

San Lucas 1:72

oiparareko vaerä ñaneñemuñagüe reta, imaendúa morogüɨrökuavee päve ikɨambae oyapogüe re;

DEUTERONOMIO 31:6

Peñemomɨ̈rata jare peñemoäta ngatu; agüɨye pekɨɨye; agüɨye pekɨɨye chugüi reta, echa yandeYa Tumpa ko oï pe ndive; ngaraa pereeya peangarekoambae.”

DEUTERONOMIO 31:8

YandeYa ojota nderenonde; jae oïta nde ndive, ngaraa ndereeya, ngaraa ndereeya iyangarekoambae; agüɨye ekɨɨye jare agüɨye ndepɨa kɨɨye.”

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.