DEUTERONOMIO 4:29 - Biblia Guarani Tumpa Iñee

²⁹ Ërei ngatu joko güi peeka yave yandeYa Tumpa opaete pepɨa ndive jare opaete perekove ndive, peväeta.

DEUTERONOMIO 4:29 ပူးပေါင်းရင်းမြစ်များ

2 REYES 10:31

Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.

2 REYES 23:3

Javoi mburuvicha guasu oyemboɨ okɨta iyɨpɨ pe oyapo morogüɨrökuavee päve yandeYa jóvai, yogüɨreko vaerä jae jeia re, oyapo reta vaerä iporookuai reta jupi rupi kavi opaete ipɨa ndive, opaete jekove ndive, oyapo reta vaerä opaete ñee reta morogüɨrökuavee päve pegua oyekuatía oï jókuae tembikuatía pe vae. Opaete tëta pegua reta opɨta vi ipɨakatu reve kuae morogüɨrökuavee päve oyeapo vae re.

2 CRÓNICAS 15:12

Jayave oñererökuavee reta oeka vaerä iñemuñagüe reta iYa Tumpa opaete ipɨa ndive jare jekove ndive.

2 CRÓNICAS 15:15

Jare opaete Judá pegua reta oyerovia kuae jei reta Tumpa jee re vae re, echa opaete ipɨa reve oeka reta yandeYa, jare jae oñeväeka chupe reta, jare yandeYa omee chupe reta mbɨakatu opaete iyɨ́vɨri rupi yogüɨreko vae reta ndive.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 15:4

Ërei tembiporara pɨte pe oyepoepɨ reta jare oeka reta yave yandeYa Israel iTumpa, jae oñeväeuka chupe reta.

2 CRÓNICAS 31:21

Opaete mbaembae oyapo Tumpa jo pe vae, mborookuai jei rami, oeka iTumpa jemimbota, oyapo opaete ipɨa ndive jare oë kavi chupe.

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

NEHEMÍAS 9:27

Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

SALMOS 119:10

Opaete chepɨa ndive roeka, agüɨye emaeño tapia ndeporookuai reta güi.

SALMOS 119:145

CheYa, asapúkai ndeve opaete chepɨa ndive, emboyevɨ cheve, jare ayapota ndeporookuai reta.

SALMOS 119:2

Oyerovia ko, yandeYa iporookuai oyapo vae reta, jare oeka opaete ipɨa ndive vae reta;

SALMOS 119:58

Ayerure opaete chepɨa ndive ndeve, cheparareko nde reñererökuavee rami.

JEREMÍAS 3:10

Opaete kuaekuae rupi, ipɨkɨɨ ipɨapochɨ vae Judá mbaetɨ oyerova ye chekotɨ ipɨa reve, oyerova raangaiño añete vae nunga. Che ndeYa jae kuae ndeve.”

JEREMÍAS 51:50

Peasayepe mano güi vae reta, petekuarai pepɨtambae reve; jare yepe tëi mombɨrɨ peï, pemaendúa yandeYa re jare Jerusalén re.

EZEQUIEL 6:9

Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

AMÓS 5:4

YandeYa jei Israel iñemuña reta pe: “Peyu chekotɨ jare peikoveta.

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 26:16

YandeYa Tumpa peokuai peyapo vaerä kuae mborookuai reta, peyeandu, peyapo opaete pepɨa ndive jare opaete perekove ndive.

DEUTERONOMIO 30:10

peendu yandeYa Tumpa iñee yave, peyapo vaerä iporookuai reta opaete kuae tembikuatía pe oï vae; peyerova ye yandeYa Tumpa kotɨ, opaete pepɨa ndive jare opaete perekove ndive yave.

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

JOSUÉ 22:5

Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”