DEUTERONOMIO 4:28 - Biblia Guarani Tumpa Iñee

²⁸ Joko pe kuimbae reta ipo pe oyapo tumpa reta vae pe peyeokuaita, ɨvɨra pegua jare ita pegua pe, mbaetɨ omae jare mbaetɨ vi oendu, mbaetɨ okaru jare mbaetɨ ipɨ̈túe vae pe.

DEUTERONOMIO 4:28 ပူးပေါင်းရင်းမြစ်များ

2 REYES 17:40

Ërei ngatu mbaetɨ oendu reta, jekuaeñoi yogüɨreko jeko tenondegua rupi.

ISAÍAS 26:14

Jae reta opa ma ko omano, ngaraa ye ma oikove reta; jendagüe retaño ma ko opɨta; echa reinupa reta ko, remokañɨtei reta ko, opaeteita remoakañɨ chugüi reta vae.

ISAÍAS 44:11

Opaete jókuae tumpa-raanga omboete vae reta imarata ko opɨta. Echa jókuae ipoki tumpa-raanga oyapo vae reta kuimbaeño ko. Opaete jae reta yogüeru ñejäa pe yave, ipɨakañɨta jare okɨɨye yae retata.

ISAÍAS 44:12

Jiero pegua mbaravɨkɨ pe oparavɨkɨ vae oipɨɨ tenasa, jare jiero omboakuasɨ güire okua jese martillo pe jare oyapo mbae iä. Ipo pe oyapo jókuae mbaravɨkɨ. Ërei mbaetɨ okaru yave, yɨmbɨaɨ jare jesagüɨrɨ; mbaetɨ ɨ jou yave ipɨtu.

ISAÍAS 44:9

Tumpa-raanga iyapoa reta, mbaeä etei ko opaete, jare chupe reta ikavi yae vae, mbaeä etei ko. Jae reta oikuaa kavi ko, jókuae tumpa-raanga reta mbaetɨ omae jare mbaetɨ yarakuaa; jáeramo imarata ko opɨta reta kuri.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

JEREMÍAS 10:3

Echa jókuae tëtaguasu pegua reta, iporogüɨrovia reta mbaeä etei ko. Oyasɨa reta ɨvɨra kaa pe, jare ipoki omaeopa vae ombokavi yɨvapa pe,

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

JEREMÍAS 10:9

Tarsis güi güeru reta korepoti oyemboipegüe itumpa-raangarä, jare oro güeru reta Ufaz güi; ipoki omondɨkui mbae omopöra oyapogüe ko, omboemimonde temimonde jovɨ vae jare pɨ̈ta vae pe; opaete kuae reta, ipoki mbae oyapo vae reta jembiapoño ko.

JEREMÍAS 16:13

Jáeramo opata pomombo kuae ɨvɨ güi, ɨvɨ peikuaambaea kotɨ, peñemuñagüe reta ave mbaetɨ oikuaa vae kotɨ, joko pe peyeokuaita ara rupi jare pɨ̈tu rupi tumpa ambuae reta pe, echa ngaraa etei poparareko.’ ”

EZEQUIEL 20:32

Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Hechos 7:42

Jáeramo Tumpa oyerova chugüi reta, jare omaeño omboete reta vaerä opaete ara ipo reta. Echa ñeemombeúa reta jembikuatía pe oyekuatía oï körai: “¿Cheve yera pemee mɨmba peyukagüe reta cuarenta año ñuu rupi peiko ramboeve, Israel iñemuña reta?

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 29:17

jare yaecha jókuae tëta guasu reta pe mbaembae pɨ̈chɨi yae vae güɨnoi reta vae, jare itumpa-raanga reta ɨvɨra pegua, ita pegua, korepoti pegua jare oro pegua jae reta omboete vae.

Apocalipsis 9:20

Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”