DEUTERONOMIO 4:25 - Biblia Guarani Tumpa Iñee

²⁵ Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,

DEUTERONOMIO 4:25 ပူးပေါင်းရင်းမြစ်များ

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

ÉXODO 20:4

Agüɨye peyapo peyeupe mbae iägüe pemboete vaerä, ani mbae iägüe ɨvate ara pe oï vae ave, ani ɨvɨ pe oï vae ave, ani ɨ pe ɨvɨgüɨ pe oï vae ave.

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

EZEQUIEL 8:10

Aike, jare aecha oguambɨ re oñemopïra oyeapo oipotagüe mɨmba ipɨtía re oguata vae reta iä, jare mɨmba oyeumbae vae reta iä, güɨroyere reta oyapo oguambɨ re, Israel pegua reta itumpa-raanga iä reta.

OSEAS 9:17

Kuae tëta mbaetɨ oipota yogüɨreko Tumpa jeia re; jáeramo cheTumpa güɨröɨrota iyeugüi, oguata reteiñota yogüɨreko ɨvɨ ambuae rupi.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

DEUTERONOMIO 16:22

Agüɨye vi pemopüa peyeupe mbae iä, jókuae nunga yandeYa Tumpa omotareɨ ko.

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

DEUTERONOMIO 28:45

Outa peré opaete kuae yepopeyu reta, peraɨkuemoñata jare perupitɨta opa pekañɨtei regua, mbaetɨ ramo peendu yandeYa Tumpa iñee, peyapo vaerä opaete jae peokuai tëi vae.

DEUTERONOMIO 28:61

Jaeramiño vi opaete mbaerasɨ jare tembiporara reta mbaetɨ oyekuatía oï tembikuatía mborookuai pegua pe vae, yandeYa ombouta peve opa pekañɨtei regua.

DEUTERONOMIO 30:18

tamombeu kavi voi peve añave: Opata ko pemano; mbaetɨta amaeño peré, peiko puku jókuae ɨvɨ peota peiko pɨpe vae pe, ɨ̈aka Jordán jovaicho kotɨ.

DEUTERONOMIO 30:19

Ara jare ɨvɨ jovake añave aikuaauka peve, kërai añono peróvai tekove jare mano, mborerekua jare yepopeyu; peiparavo añave tekove, peikove vaerä pe jare peñemuña reta;

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

DEUTERONOMIO 32:5

Mbaetɨ oñeväe jese ikavimbae, taɨ reta ko iyoa, jeko pɨ̈chɨi jare ipɨapochɨ vae reta ko.

DEUTERONOMIO 4:16

agüɨye vaerä peñererokomegua agüɨye peyapo mbae iä peyeupe; kuimbae iä ani kuña iä,

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

JOSUÉ 23:16

perokomegua yave yandeYa Tumpa iporogüɨrökuavee päve rupi peokuai vae, peo jare pemboete yave tumpa ambuae reta, jare peyetavatɨka yave jae reta jóvai. Jayave yandeYa iyarasɨta pekotɨ, jare ɨmambae pekañɨteita kuae ɨvɨ kavi jae omee peve vae güi.”

JOSUÉ 24:20

Pe pesɨrɨ yave yandeYa güi jare peyeokuai yave tumpa ambuae reta pe, jae oyapota ikavimbae vae peve jare opata pemokañɨtei jeta ma ikavi vae oyapo peve tëi reve.