DEUTERONOMIO 4:23 - Biblia Guarani Tumpa Iñee

²³ Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:23 ပူးပေါင်းရင်းမြစ်များ

2 REYES 17:38

Agüɨye peakañɨ morogüɨrökuavee päve che ayapo pe reta ndive vae güi, agüɨye pemboete tumpa-raanga reta.

1 CRÓNICAS 16:15

Imaendúa avei iñererökuavee re, yepe tëi oasa jeta ñemuña,

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

JEREMÍAS 31:22

¿Kërai yave regua pa reikota, kuñatai iñeereendumbae rami? Che ndeYa, ayapota mbae ambuaeyee vae kuae ɨvɨ pe, jae ko: Kuñai oyangarekota kuimbae re vae rami vae.”

EZEQUIEL 16:59

Che peYa Tumpa jae: Ngaraa ayapo nde ndive, nde reyapo rami, mbaetɨ remboete reñererökuavee vae, jare mbaetɨ rembopo morogüɨrökuavee päve.

EZEQUIEL 8:10

Aike, jare aecha oguambɨ re oñemopïra oyeapo oipotagüe mɨmba ipɨtía re oguata vae reta iä, jare mɨmba oyeumbae vae reta iä, güɨroyere reta oyapo oguambɨ re, Israel pegua reta itumpa-raanga iä reta.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

NÚMEROS 15:39

Jökorai, peecha jókuae peremimonde jopea yave, pemaendúa vaerä opaete mborookuai reta yandeYa omee peve peyapo vaerä vae re; jökorai agüɨye vaerä pemae pepɨa jare peresa jemimbota re, jare peñererokomegua pɨpe.

San Mateo 24:4

Jayave Jesús jei chupe reta: —Peyeandu, agüɨye vaerä kia pembotavɨ.

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

DEUTERONOMIO 16:22

Agüɨye vi pemopüa peyeupe mbae iä, jókuae nunga yandeYa Tumpa omotareɨ ko.

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

DEUTERONOMIO 27:9

Jayave Moisés jare sacerdote Leví iñemuña reta ndive, jei reta opaete Israel iñemuña reta pe: “Peyeapɨsaka Israel iñemuña reta. Añave peyu peyeapo tëta yandeYa Tumpa imbaerä.

DEUTERONOMIO 29:25

Jare jei retata: ‘IYa Tumpa oyapo morogüɨrökuavee päve iñemuñagüe reta pe vae oeya reta jeko pegua, ɨvɨ Egipto güi güɨnoe yave omee chupe reta vae,

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 4:25

Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 5:2

YandeYa Tumpa oyapo yande ndive morogüɨrökuavee päve ɨvɨtɨ Horeb pe.

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

JOSUÉ 23:11

Peyeandu reve kavi peñeñovatu, peaɨu yandeYa Tumpa.

JOSUÉ 23:16

perokomegua yave yandeYa Tumpa iporogüɨrökuavee päve rupi peokuai vae, peo jare pemboete yave tumpa ambuae reta, jare peyetavatɨka yave jae reta jóvai. Jayave yandeYa iyarasɨta pekotɨ, jare ɨmambae pekañɨteita kuae ɨvɨ kavi jae omee peve vae güi.”