DEUTERONOMIO 4:2 - Biblia Guarani Tumpa Iñee

² Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

DEUTERONOMIO 4:2 ပူးပေါင်းရင်းမြစ်များ

SALMOS 78:7

Tumpa reño oyeko reta vaerä, agüɨye vaerä iñakañɨ reta Tumpa oyapogüe güi; oyapo avei vaerä iporookuai reta,

PROVERBIOS 30:6

Agüɨye emoïru Tumpa iñee reta, agüɨye vaerä omboeta ndeve, agüɨye vaerä ndeapu.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

JEREMÍAS 26:2

“Eyemboɨ chetupao joka pe jare nemiari opaete tëta guasu reta Judá pegua güi yogüeru ombaemboete vaerä tupao pe vae reta pe, opaete cheñee reta royókuai nemiari vaerä chupe reta vae. Agüɨye eeya metei ave ñee reta.

San Mateo 5:18

Añete che jae peve, ara jare ɨvɨ oiko ramboeve ngaraa oyemboai metei kuatía michi yae vae ani yeai ave yepe Moisés iporookuai güi ndei opaete oyembopo mbove.

San Mateo 5:43

Peikuaa ko Moisés jei körai: ‘Eaɨu nderapicha, jare emotareɨ nderovaicho.’

Gálatas 3:15

Cherɨvɨ reta, tachemiari peve kuae ɨvɨ pe mbae oyeapo vae re: Ɨvɨ pegua reta morogüɨrökuavee päve oyapo oyoupe yave, ngaraa ye ma kia omboai, ngaraa vi kia ipuere omoïru ye.

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 12:32

Peyapo avei opaete poyókuai vae, pemoïrumbae reve ani peekɨmbae reve.

DEUTERONOMIO 13:1

Oyekuaa yave pepɨte pe ñeemombeúa ani ipaɨu katu vae, jare omoërakua yave maratuta vae ani mɨakañɨ,

DEUTERONOMIO 33:4

Moisés omee yave oreve mborookuai Jacob iñemuña reta imbaerä omee,

DEUTERONOMIO 4:14

Che vi cheokuai yandeYa pomboe vaerä mborookuai reta re, peyapo vaerä jókuae mborookuai jeigüe, ɨvɨ peota pepɨ̈ro pembaerä vae pe.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 4:5

Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:32

Jayave, peyapo yandeYa Tumpa peokuai rami, agüɨye pepia chugüi kërai ave yepe.

JOSUÉ 1:7

Jaeño eñemomïrata jare eñemoäta ngatu yae, reyeandu reve reyapo vaerä opaete mborookuai reta cherembiokuai Moisés ndeokuai vae; agüɨye epia chugüi ketɨ ave yepe, opaete mbaembae reyapo vae oë kavi vaerä ndeve.

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.