DEUTERONOMIO 4:12 - Biblia Guarani Tumpa Iñee

¹² Jare yandeYa imiari peve jókuae tata mbɨte güi. Jare pe reta peendu iñee, ërei, peendu iñee reve mbaetɨ etei iä peecha.

DEUTERONOMIO 4:12 ပူးပေါင်းရင်းမြစ်များ

ÉXODO 19:9

jayave yandeYa jei Moisés pe: —Mase, ko che ayuta ndekotɨ metei amapɨtu pɨtumimbi yae vae re, Israel iñemuña reta oendu vaerä chemiari yave nde ndive, ndererovia reta vaerä jekuae avei. Jayave Moisés omombeu yandeYa pe opaete vae iñee,

ÉXODO 20:22

YandeYa jei Moisés pe: —Körai ere Israel iñemuña reta pe: “Pe reta peecha chemiari ara güi pe reta ndive vae.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 40:3

Ñeeäta oyeendu ñuu pe körai: “Peñono kavi tape yandeYa pe; pembosɨmbi tape ñaneTumpa pe, tapembaea rupi.

ISAÍAS 40:6

Ñeeäta oyeendu vae jei: “Esapúkai.” Jare che aparandu chupe: “¿Mbae pa jaeta asapúkai?” Esapúkai körai: “¡Opaete kuimbae reta ñana rami ko, opaete iyemboetea mbaepotɨ ñana rupigua rami ko!

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Mateo 3:3

Ñeemombeúa Isaías jese imiari arakae, jei yave: “Jae iñeeäta reve jeita ñuu pe: ‘Peyapo kavi yandeYa japerä. Pembosɨmbi japerä.’ ”

DEUTERONOMIO 10:4

Jare yandeYa oikuatía ita ipe vae re, payandepo mborookuai reta tenonde yave omombeu peve ɨvɨtɨ jendɨ vae güi opaete peyemboatɨ yave vae, jare omee cheve.

DEUTERONOMIO 4:11

Peyemboatɨ ɨvɨtɨ igüɨ pe; jare jókuae ɨvɨtɨ jendɨ opüa ɨvate yeyé, oyeapo amapɨtu jare pɨtumimbi yae.

DEUTERONOMIO 4:13

Jare jae oikuaauka peve iporogüɨrökuavee päve jae ko payandepo mborookuai reta vae jare peokuai peyapo vaerä; jare oikuatía mókoi ita ipe vae re.

DEUTERONOMIO 4:15

Jókuae ara yandeYa imiari pe ndive ɨvɨtɨ Horeb pe tata mbɨte güi yave, mbaetɨ etei mbae iä peecha, peroyeandu perekove,

DEUTERONOMIO 4:33

¿Oime pa amogüe tëta oendu Tumpa iñee tata mbɨte güi pe reta peendu rami jare oikoveño oï vae?

DEUTERONOMIO 4:36

Ara güi oenduka iñee peve pemboe vaerä, jare ɨvɨ re oechauka peve tata yavaetegüe, jare peendu iñee tata mbɨte güi.

DEUTERONOMIO 5:22

Kuae ñee reta yandeYa jei iñeeäta reve tata mbɨte güi amapɨtu pɨtumimbía güi, Israel iñemuña reta pe ɨvɨtɨ igüɨ pe, jare mbaetɨ ye mbae jei. Oikuatía mókoi ita ipe vae re, omee cheve.

DEUTERONOMIO 5:4

YandeYa imiari pe ndive oyoova pe, tata jendɨ vae mbɨte güi.

DEUTERONOMIO 9:10

Jayave yandeYa omee cheve mókoi ita ipe vae, oyekuatía Tumpa ipoäka pe vae, jese oyekuatía opaete ñee yandeYa omombeu ɨvɨtɨ re, tata jendɨ vae mbɨte güi vae, jókuae ara opaete vae yandeatɨ yave.

Colosenses 1:15

Cristo rupi yaecha Tumpa oyekuaambae vae; Taɨ jae ko opaete mbaembae oyeapogüe iYa.

Hebreos 12:19

mbaetɨ peendu mimbɨguasu iñee jare Tumpa iñee oyeendu vae, jókuae oendu vae reta oyerure Moisés pe agüɨye vaerä ma Tumpa imiari chupe reta,