DEUTERONOMIO 4:10 - Biblia Guarani Tumpa Iñee

¹⁰ Jókuae ara peï yave ɨvɨtɨ Horeb pe yandeYa Tumpa jóvai, yandeYa jei cheve: ‘Emboatɨ cheve opaete vae, aenduka vaerä cheñee chupe reta, kuae rupi oikuaa reta vaerä oipoɨu avei chegüi opaete ara oikove yogüɨreko ramboeve ɨvɨ pe, jare omboe reta vaerä taɨ reta oyapo vi jökorai.’

DEUTERONOMIO 4:10 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

SALMOS 145:4

Nderembiapo reta, oyemboeteta jekuae avei rupi, oñemoërakuata ndembaepuere rupi reyapo vae.

ÉXODO 19:1

Mboapɨa yasɨ ma Israel iñemuña reta opa ñogüɨnoe ɨvɨ Egipto güi yave, jókuae ara etei opa yogüɨraja oväe ñuu Sinaí pe.

ÉXODO 19:11

jare toyupavo reta toñogüɨnoi kóeramo peguarä, echa mboapɨa ara pe, che peYa agüeyɨta opaete vae reta jesa róvai ɨvɨtɨ Sinaí re.

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 19:9

jayave yandeYa jei Moisés pe: —Mase, ko che ayuta ndekotɨ metei amapɨtu pɨtumimbi yae vae re, Israel iñemuña reta oendu vaerä chemiari yave nde ndive, ndererovia reta vaerä jekuae avei. Jayave Moisés omombeu yandeYa pe opaete vae iñee,

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ÉXODO 20:20

Jare Moisés jei chupe reta: —Agüɨye pekɨɨye; echa pekuaa vaerä ou Tumpa, peipoɨu vaerä chugüi, agüɨye vaerä peyoa.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

ISAÍAS 38:19

Oikove vae retaño ko ipuere ndemboete, che añave ayapo aï rami. Kuimbae reta imiarita taɨ reta pe, nde jupi ko vae re.

San Lucas 1:50

Jare Tumpa güɨnoi avei mboroparareko oipoɨu chugüi vae reta re.

DEUTERONOMIO 11:19

Pemboe peraɨ reta, pemiari jese chupe reta peguapɨ peï pero pe yave, peguataa rupi, peyapakuata yave, jare pepüa ye yave.

DEUTERONOMIO 12:1

Kuae ko jae mborookuai reta oyeapo peve peyapo vaerä opaete ara peikove peiko ramboeve jókuae ɨvɨ pe, yandeYa Tumpa omee peñemuñagüe reta pe vae pe.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 17:19

Togüɨnoi iyeupe omongeta avei vaerä ara ñavo, oikuaa vaerä oipoɨu yandeYa Tumpa güi, jare oñovatu vaerä opaete mborookuai reta oyeapogüe, jare oyapo vaerä jeigüe.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 5:2

YandeYa Tumpa oyapo yande ndive morogüɨrökuavee päve ɨvɨtɨ Horeb pe.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 6:2

Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

DEUTERONOMIO 6:7

jare pemboaɨkuere yeta pere peraɨ reta pe, pemiarita jese peï pero pe yave, tape rupi peguata peiko yave, peyapakuata yave jare pepüa ye yave.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Apocalipsis 19:5

Jare oë metei ñee Tumpa iguapɨa güi jei: “Pemboete ñaneTumpa, pe opaete jembiokuai reta jare oipoɨu chugüi vae, michia reta jare okuakuaa vae reta.”

1 SAMUEL 12:24

Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.