DEUTERONOMIO 4:1 - Biblia Guarani Tumpa Iñee

¹ Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:1 ပူးပေါင်းရင်းမြစ်များ

SALMOS 105:45

omboete reta vaerä jare oyapo reta vaerä jae iporookuai jare iporomboe reta. ¡Aleluya!

SALMOS 119:4

Nde reporookuai ko, oyembopo kavi vaerä opaete ndeporookuai reta.

ÉXODO 18:20

Jare emboe reta mborookuai reta re, jare eechauka kavi chupe reta kërai yogüɨreko vaerä jare mbae ra oyapo retata vae.

JEREMÍAS 11:6

Jayave yandeYa jei cheve: “Emoërakua opaete kuae ñee tëta guasu reta Judá pegua pe jare kaye Jerusalén pegua rupi, körai: ‘Peyeapɨsaka morogüɨrökuavee päve pegua ñee reta jei vae re jare peyapo.

EZEQUIEL 11:20

Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.

EZEQUIEL 20:11

joko pe amee chupe reta mborookuai reta; kia oendu jare oyapo vae oikove vaerä.

EZEQUIEL 20:21

Ërei taɨ reta oyembopɨapochɨ reta chekotɨ, mbaetɨ yogüɨreko reta cheporookuai rupi, mbaetɨ oñovatu reta jare mbaetɨ oyapo reta, jare omboeteä reta cheara mbutuu pegua. Jáeramo ayemongeta aitɨ vaerä chearasɨ jese reta ñuu pe, chepɨakatu vaerä apɨta chearasɨ güi.

EZEQUIEL 36:27

Añonota peɨvɨte pe cheespíritu, jare poapota peiko vaerä cheporookuai rupi; peñovatuta jare peyapota.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

LEVÍTICO 18:5

Jáeramo, peñovatu pepɨa pe jare peyapo cheporookuai reta. Kuimbae oyapo cheporookuai reta vae oikoveta. Che ko peYa.

LEVÍTICO 19:19

Peyapo cheporookuai reta. Agüɨye perɨmba pemboyopɨɨ mɨmba ambuaeyee vae ndive. Agüɨye pemboyea yea temitɨ jäɨ peñotɨ peko pe. Agüɨye peyemonde temimonde ipɨaa oyea yea vae pe.

LEVÍTICO 19:37

Peñovatu pepɨa pe jare peyapo opaete cheporookuai reta. Che ko peYa.”

LEVÍTICO 20:8

Jare peñovatu pepɨa pe jare peyapo cheporookuai reta. Che ko peYa Tumpa, peñono tee iyeupeguarä vae.

LEVÍTICO 22:31

Peñovatu pepɨa pe cheporookuai reta jare peyapo. Che ko peYa.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

San Juan 15:14

Pe reta ko jae chevɨa-ïru, che jae peve vae peyapo yave.

Romanos 10:5

Echa mborookuai rupi oyembojupi vae regua Moisés oikuatía körai: “Kia nunga oyapo kuae mbaembae vae, oikoveta.”

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 11:1

Peaɨu yandeYa Tumpa, peyapo opaete iporookuai reta ara ñavo.

DEUTERONOMIO 11:32

peyapo opaete mborookuai reta oyeapogüe, añave che amee peve vae.

DEUTERONOMIO 13:1

Oyekuaa yave pepɨte pe ñeemombeúa ani ipaɨu katu vae, jare omoërakua yave maratuta vae ani mɨakañɨ,

DEUTERONOMIO 16:20

Pemomoe avei jupi vaeño, peikove vaerä jare oiko vaerä pembaerä ɨvɨ yandeYa Tumpa omee peve vae.

DEUTERONOMIO 30:16

echa che poyókuai añave, peaɨu yandeYa Tumpa, peiko jemimbota rupi, jare peñovatu iporookuai reta, peikove vaerä jare peñemuña vaerä jeta, jare yandeYa Tumpa tiporerekua peré ɨvɨ peiketa peiko pɨpe vae pe.

DEUTERONOMIO 30:19

Ara jare ɨvɨ jovake añave aikuaauka peve, kërai añono peróvai tekove jare mano, mborerekua jare yepopeyu; peiparavo añave tekove, peikove vaerä pe jare peñemuña reta;

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 4:45

Kuae ko jae opaete mborookuai reta, Moisés omombeu Israel iñemuña reta pe Egipto güi ñogüɨnoe yave,

DEUTERONOMIO 4:8

Jare ¿kia nunga tëtaguasu pa güɨnoi mborookuai jare morojäa jupi vae, opaete kuae mborookuai añave añono peve rami vae?

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

DEUTERONOMIO 6:24

Jare yandeYa oreokuai royapo vaerä opaete kuae mborookuai reta, roipoɨu vaerä yandeYa Tumpa güi, roiko kavi vaerä opaete ara rupi jare oreövatu vaerä añave rami.

DEUTERONOMIO 7:11

Jáeramo, peyapo mborookuai reta che poyókuai peyapo vaerä vae.

DEUTERONOMIO 8:1

Peyeandu, pemomoe avei opaete mborookuai reta che poyókuai peyapo vaerä vae, peikove vaerä, peñemuña vaerä, jare peike vaerä pepɨ̈ro peyeupe jókuae ɨvɨ yandeYa güɨrökuavee peñemuñagüe reta pe vae.

DEUTERONOMIO 8:11

Peyeandu agüɨye vaerä peakañɨ yandeYa Tumpa güi, agüɨye peakañɨ peyapo iporookuai reta che poyókuai añave jese vae.

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

JOSUÉ 3:9

Jayave Josué jei Israel iñemuña reta pe: “Peyu jare peyeapɨsaka peYa Tumpa iñee re.