DEUTERONOMIO 33:3 - Biblia Guarani Tumpa Iñee

³ Tumpa oaɨu imbae vae reta, oñeñono tee chupeguarä vae re oyangareko; jáeramo jae reta oguata nderaɨkue oyapo reta nde reyókuai vae.

DEUTERONOMIO 33:3 ပူးပေါင်းရင်းမြစ်များ

SALMOS 31:15

Ndepo pe ko oï aikove aiko vae, chereepɨ cherovaicho reta güi jare chepïaro vae reta güi.

SALMOS 47:4

Jae ko oiparavo yandeve yandeɨvɨ reta, Jacob ombotuicha vae, jae jembiaɨu.

SALMOS 50:5

“Pemboatɨ cheve tëta chembae vae, morogüɨrökuavee päve oyapo che ndive mɨmba oyeyuka oñemee vae rupi vae.”

PROVERBIOS 2:1

Cheraɨ, eipɨɨ cheñee reta; eñovatu ndepɨa pe cheporookuai reta.

ECLESIASTÉS 9:1

Opaete kuaekuae re añeñono aikuaa vaerä vae ko jae: Jupi vae reta, yarakuaa vae reta jare jembiapo reta Tumpa ipo pe ko ñogüɨnoi; mboroaɨu jare moromotareɨ mbaetɨ ave oikuaa kuimbae reta, yepe tëi jae reta oecha etei.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 31:3

Ɨma yae ma che ayekuaa chupe reta jae reve: Che roaɨu yae mboroaɨu opambae ndive; jáeramo jekuae aveiño cheporoparareko pekotɨ.

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

MALAQUÍAS 1:2

YandeYa jei: “Che poaɨu ko.” Ërei pere: “¿Kërai pa oreraɨu?” YandeYa jei ye: “¿Esaú jaeä pa Jacob tɨkeɨ? Aɨu Jacob

San Mateo 23:2

“Mborookuai re oporomboe vae reta jare fariseo reta pemboe Moisés iporookuai re.

San Lucas 10:39

Marta güɨnoi ipɨkɨɨ María jee vae. Jare María oguapɨ yandeYa iyɨpɨ pe oyeapɨsaka iñee re.

San Lucas 2:46

Jare mboapɨ ara ma oeka reta yave, oväe reta chupe tupao pe. Jesús oguapɨ oï mborookuai re oporomboe vae reta ipɨte pe. Oyeapɨsaka oï jese reta jare oparandu chupe reta mbaembae re.

San Lucas 8:35

Jare oendu vae reta yogüeru omae jókuae oasagüe re; jare oecha reta Jesús jare jókuae kuimbae aña reta osɨrɨ chugüi vae oguapɨ oï jóvai; oecha oyemonde kavi ma jare yarakuaa kavi ma. Jare opaete yogüeru vae reta okɨɨye.

Hechos 22:3

“Che ko jae metei judío. Aa Tarso Cilicia pegua pe, ërei akuakuaa kuae tëta guasu pe. Gamaliel chemboe kavi ñaneñemuñagüe reta iporookuai re. Che ayapo avei Tumpa jei vae, opaete pe reta añave peyapo rami.

DEUTERONOMIO 14:2

Echa pe tëta oñeñono tee yandeYa Tumpa pe vae ko, jae ko peparavo imbaerä opaete tëta reta ɨvɨ pegua güi.

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Juan 4:19

Yande yaaɨu Tumpa, echa jae räri yanderaɨu.

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.