DEUTERONOMIO 32:47 - Biblia Guarani Tumpa Iñee

⁴⁷ Echa mbae nungaiñoä ko kuae ñee reta; tekove ko peveguarä, kuae mborookuai rupi ko peiko pukuta jókuae ɨvɨ peota peiko pɨpe vae pe, kuri peasa ma ɨ̈aka Jordán yave.”

DEUTERONOMIO 32:47 ပူးပေါင်းရင်းမြစ်များ

PROVERBIOS 3:18

Arakuaa ko tekove, arakuaa oväe vae reta peguarä; ¡oyerovia ko jókuae oipɨɨ iyeupe vae reta!

PROVERBIOS 3:22

echa jese ko renoita tekove, ndemboaruandata, mboɨ ndemboaruanda rami.

PROVERBIOS 4:13

Eipɨɨ ndeyeupe yemboarakuaa, agüɨye eeya; eñovatu opaete arakuaa, echa tekove ko ndeveguarä.

PROVERBIOS 4:22

Echa tekove ko jókuae arakuaa oväe vae reta peguarä, jare moa ramita ko chupeguarä.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

LEVÍTICO 18:5

Jáeramo, peñovatu pepɨa pe jare peyapo cheporookuai reta. Kuimbae oyapo cheporookuai reta vae oikoveta. Che ko peYa.

AMÓS 5:4

YandeYa jei Israel iñemuña reta pe: “Peyu chekotɨ jare peikoveta.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

Hechos 7:38

Araɨgua omomiari Moisés ɨvɨtɨ guasu Sinaí pe, ñuu pe oyemboatɨ yave Moisés jare ñaneñemuñagüe reta. Tumpa omee Moisés pe ñee tekove pegua, jae omombeu vaerä yandeve.

DEUTERONOMIO 30:16

echa che poyókuai añave, peaɨu yandeYa Tumpa, peiko jemimbota rupi, jare peñovatu iporookuai reta, peikove vaerä jare peñemuña vaerä jeta, jare yandeYa Tumpa tiporerekua peré ɨvɨ peiketa peiko pɨpe vae pe.

DEUTERONOMIO 31:13

Jökorai peraɨ reta mbaetɨ oikuaa kuae regua vae toendu jare toyemboe reta toipoɨu yandeYa Tumpa güi, opaete ara oikove yogüɨreko ramboeve, yogüɨreko yave jókuae ɨvɨ peasata peo peiko pɨpe vae pe, kuae ɨ̈aka Jordán peasa ma yave.”

DEUTERONOMIO 33:25

jöke imotätaa togüɨnoi jiero jare jiero iyu vae, tipɨ̈rata oikove oiko ramboeve.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’

DEUTERONOMIO 8:3

Jare oiporarauka peve, jare pemboyɨmbɨaɨuka, ërei pemongaru maná pe, tembíu mbaetɨ peikuaa vae, jare peñemuñagüe reta ave mbaetɨ oikuaa vae, jökorai oikuaauka vaerä peve, kërai mbɨyape reñoä ko kuimbae oikoveta, jaeño opaete yandeYa jei vae re ko kuimbae güɨnoita tekove.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

2 Pedro 1:16

Roikuaauka peve yandeYa Jesucristo imbaepuere jare kërai jae ou yeta ko vae, mbaetɨ ko roikuaauka peve arakae ndaye oyeapo katugüe. Echa roecha etei ko yandeYa imbaepuere.

2 Pedro 1:3

Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.