DEUTERONOMIO 32:4 - Biblia Guarani Tumpa Iñee

⁴ Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 32:4 ပူးပေါင်းရင်းမြစ်များ

GÉNESIS 1:31

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

2 SAMUEL 22:47

¡Toyemboete cheYa! ¡Toyemboete cheangarekoa! ¡Toyembotuichauka Tumpa cheangareko jare chereroasayepe vae!

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

2 CRÓNICAS 19:7

Jayave peipoɨu yandeYa güi, pemae kavi peyapo vae re, echa yandeYa Tumpa jupi vae ko, mbaetɨ oporoparavo ani mbaetɨ vi oipɨɨ vɨari korepoti ani mbae.”

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

JOB 34:10

Jáeramo, pe yarakuaa katu vae reta, peyeapɨsaka cheré, ¡agüɨye peyemongeta Tumpa Imbaepuere yae ete vae kotɨ, oyapota ikavimbae vae ani jupimbae vae!

JOB 35:14

Nde rere mbaetɨ reecha Tumpa vae, ndereko reta ñogüɨnoi ko jae jóvai, jáeramo eäroño.

JOB 36:23

mbaetɨ kia ipuere jei chupe: “Kuae eyapo”, ani güɨröɨro iparavɨkɨ chugüi.

JOB 8:3

¿Tumpa güɨrovata pa jupi vae, Imbaepuere yae ete vae oipoepɨta pa jupi vae?

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

SALMOS 138:8

¡CheYa, rembopota ndeyemongeta cheré! CheYa Tumpa, ndeporoparareko jekuae avei pegua ko. ¡Agüɨye chereeya, che nderembiapo!

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 146:6

jae ko oyapo ara jare ɨvɨ, ɨguasu jare opaete pɨpe yogüɨreko vae. Jae mbaetɨ oipoepɨ jeigüe.

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 18:46

¡Toyemboete yandeYa! ¡Toyemboeteuka ita guasu cheñepɨ̈roa! ¡Toyembotuicha cheTumpa chereroasayepe vae!

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 33:4

Echa yandeYa iñee añete ko; opaete jembiapo reta omboyekuaa iñee añete vae.

SALMOS 78:35

Jayave imaendúa reta Tumpa Tuichagüe yae ete vae ko jae iyeepɨka, jare jae ko oepɨ reta vae.

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

SALMOS 90:16

¡Eechauka nderembiokuai reta pe nderembiapo, jare taɨ reta pe eechauka ndeyemboetea!

SALMOS 92:15

omoërakua reta vaerä cheYa cheñepɨ̈roa isɨmbi ko vae, jare mbaetɨ oñeväe jese jupimbae vae.

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

SALMOS 98:3

imaendúa iporoparareko re jare iñee re Israel iñemuña reta kotɨ vae re. ¡Opaete ɨvɨ pegua reta oecha iporogüɨroasayepe!

SALMOS 99:4

Nde ko jae mburuvicha guasu imbaepuere yae vae, mbaejupi reaɨu vae, nde ko reyapo isɨmbi vae. Nde ko reyapo jupi vae jare isɨmbi vae Jacob iñemuña reta pe.

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ECLESIASTÉS 3:14

Aikuaa vi opaete Tumpa oyapo vae oiko aveita ko. Jókuae ngaraa etei oñemoïru, ani oñepɨ̈ro chugüi, echa Tumpa ko oyapo jökorai; opaete vae güɨnoi vaerä mboromboete ikotɨño.

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 26:4

Peyeko avei yandeYa Tumpa re, echa jae ko ñepɨ̈roa opambae.

ISAÍAS 28:16

Jáeramo yandeYa jei: “Mase, ko añonota Sión pe metei ita, ita oyeparavogüe, ikavi yae vae, o ekina iguapɨka, o iguapɨka okúembae, jese güɨrovia vae toiko pɨagüive.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

HABACUC 1:12

CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

HABACUC 1:13

Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

SOFONÍAS 3:5

Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 5:22

Tu mbaetɨ kia ave ojäa. Ërei omee Taɨ oporojäa vaerä.

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

Romanos 2:2

Ërei yaikuaa Tumpa iporojäa añete vae rupi ko, jókuae teko ikavimbae vae iyapoa reta kotɨ.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

1 Corintios 10:4

Jare opaete vae oɨu Espíritu pegua. Jare oɨu reta jókuae ita guasu Espíritu pegua jupíe reta oiko vae güi. Jare jókuae ita guasu jae ko Cristo ko.

DEUTERONOMIO 10:18

oyapo jupi vae tɨ̈reɨ pe jare imemano vae pe; oaɨu ketɨgua, omee chupe tembíu jare temimonde.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 4:12

Meteiño ko mborookuai omee vae, jae ipuere oporomboasa jare oporomokañɨtei. ¿Ërei kia pa nde rejäa vaerä ïru vae?

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!