DEUTERONOMIO 32:32 - Biblia Guarani Tumpa Iñee

³² Echa jae reta uva ikavimbae rami ko, Sodoma jare Gomorra pegua iuva rami, uva iro yae vae jare imbayachi vae;

DEUTERONOMIO 32:32 ပူးပေါင်းရင်းမြစ်များ

JOB 14:17

Reñapɨtita reñono urupuku pe cheyoa reta, jare rembovɨvɨta reñono opaete ikavimbae ayapogüe.

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 5:4

¿Mbae ye ra ayapota tëi cheuvarupa pe? ¿Oime ra mbae oata ayapo vaerä chupe? Che aäro tëi ia jëe vaerä, ërei, ¿maera ra jayasɨ yae?

JEREMÍAS 2:21

Che ko roñotɨ uva iyɨpɨ ikavi yae vae rami, temitɨ uva opaete güi ikavi yae vae rami, ¡ërei reikomegua, uva ikavimbae repɨta!

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

LAMENTACIONES 4:6

Echa jeiete yae cherëta guasu pegua reta iyoa, Sodoma pegua reta iyoa güi; jókuae tëta opa oyemboai jarembae pegua, mbaetɨ etei kia oporepeña jese reve.

San Mateo 11:24

Ërei che jae peve, Tumpa ojäa ɨvɨ pegua reta yave, Capernaum pegua reta oiporara yaeta Sodoma pegua reta güi.”

DEUTERONOMIO 29:18

Agüɨye toime pepɨte pe kuimbae ani kuña yepe, ani metei tëtara, ani metei ñemuña ipɨa opia añave yandeYa güi vae, omboete vaerä kuae tëtaguasu reta itumpa-raanga reta. Agüɨye toime pepɨte pe kia nunga vae metei temitɨ iro ani imbayachi vae rami vae.

DEUTERONOMIO 32:33

ivino reta, mboi imbayachi vae rami ko, ¡mbayachi jasɨ yae vae!

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;