DEUTERONOMIO 32:3 - Biblia Guarani Tumpa Iñee

³ Echa yandeYa jee amoërakuata: ¡Pembotuicha ñaneTumpa!

DEUTERONOMIO 32:3 ပူးပေါင်းရင်းမြစ်များ

1 CRÓNICAS 17:19

CheYa Tumpa, cheraɨu ramo jare ndepɨa jemimbota rupi kuae reyapo reikuaauka vaerä ndembaepuere tuicha yae vae.

1 CRÓNICAS 29:10

Jökoraiño vi David oyerovia yae. Jare omboete yandeYa opaete yatɨ vae reta jóvai, jei: “¡Mbaeyekou toï jekuae avei pegua, nde cheYa Tumpa, oreñemuña Israel iTumpa!

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

1 CRÓNICAS 29:13

Jáeramo oreTumpa, añave romee ndeve mbaemboete, romboete nderee imboetea yae vae;

SALMOS 150:2

¡Pemboete, jembiapo reta tuichagüe re! ¡Pemboete, jae ko tuicha yae ete vae re!

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

ÉXODO 6:3

Abraham, Isaac jare Jacob pe ayekuaauka, Tumpa Opaete mbaepuere güɨnoi vae ramiño; ërei mbaetɨ ayekuaauka chupe reta cheree peYa rupi.

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Juan 17:26

Che romombeu ma chupe reta jare romombeu yeta, jae reta oaɨu vaerä ïru vae reta nde cheraɨu rami, jare che etei aïta jese reta.”

San Juan 17:6

Amombeu ma nderegua kuae kuimbae reta nde remee cheve kuae oporogüɨroviambae vae reta ipɨte güi vae pe. Jae reta ndembae ko ërei remee cheve. Jae reta oyapo neñee jei vae.

Efesios 1:19

jare kërai tuichagüe yae ko imbaepuere yandekotɨ vae, kërai jókuae imbaepuere oparavɨkɨ yanderé vae.

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 5:24

jare jei reta cheve: ‘Añave yandeYa Tumpa oechauka oreve iyemboetea jare imbaepuere tuicha yae vae, jare roendu iñee tata jendɨ vae güi. Kuae ara roecha yandeYa imiari kuimbae pe, jare oikoveño.

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.