DEUTERONOMIO 32:27 - Biblia Guarani Tumpa Iñee

²⁷ ërei aipoɨu tovaicho reta jeita vae güi, mbaetɨ aipota oyemboete tovaicho reta; echa jei retata: Orembaepuere ko oyapo opaete kuaekuae; mbaetɨ ko Tumpa oyapo.’

DEUTERONOMIO 32:27 ပူးပေါင်းရင်းမြစ်များ

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

SALMOS 140:8

CheYa Tumpa, agüɨye emee iyoa vae pe ipɨa jemimbota; agüɨye emaeño toë kavi chupe iyemongeta reta, agüɨye vaerä oyembotuicha.

SALMOS 140:9

Opaete oyere cheré vae reta, ¡iñee ikavimbae aeño, toiporara reta!

ÉXODO 32:12

¿Remaeñota pa Egiptoɨgua reta jei: “Ikavimbae oyapo chupe reta vaeräño opa güɨnoe, opa vaerä oyuka ɨvɨtɨ re, opa vaerä omboai ɨvɨ iárambo güi”? Agüɨye ndearasɨ, eipoepɨ ndeyemongeta, ikavimbae reyapota ndembae vae reta pe vae.

ISAÍAS 37:10

“Agüɨye eyembotavɨuka neTumpa pe, echa güɨroviauka ndeve kërai Jerusalén mbaetɨta ko oa chepo pe vae.

ISAÍAS 37:35

Echa che ko ayangarekota kuae tëta guasu re, aroasayepe vaerä, che ayeaɨu jeko pegua, jare cherembiokuai David aaɨu jeko pegua.’ ”

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

ISAÍAS 48:11

Ayeaɨu jeko pegua ayapo jókuae, agüɨye vaerä oyemongɨa cheree. Mbaetɨta amaeño oñemee cheyemboetea ïru vae pe.”

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

NÚMEROS 15:30

Ërei kia nunga vae oyapo mbae ipɨapochɨ rupi yave, kuae pegua ani ketɨgua, yandeYa kotɨ ko oyavɨ; jókuae nunga toyemombo ete kavi jëtara reta ipɨte güi.

DEUTERONOMIO 9:28

agüɨye vaerä jei ɨvɨ orerenoe chugüi vae pegua reta: Tumpa mbaetɨ ipuere güɨroike reta ɨvɨ güɨrökuavee chupea pe, ani ipuere jei reta: Echa omotareɨ reta ramo güɨnoe güɨraja opa oyuka ñuu pe.

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.