DEUTERONOMIO 32:24 - Biblia Guarani Tumpa Iñee

²⁴ omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

DEUTERONOMIO 32:24 ပူးပေါင်းရင်းမြစ်များ

GÉNESIS 3:14

Jayave yandeYa Tumpa jei mboi pe: —Kuae reyapo vae jeko pegua, repɨtata cheyepopeyu igüɨ pe opaete ïru mɨmba reta ipɨte güi. Ndepɨtía re reguatata, jare ɨvɨkúi reuta nderekove iyapɨ regua.

GÉNESIS 49:15

Jare oecha mbutuu ikavi yae, jare ɨvɨ pe vɨakatu yave, omee ikupe voɨta güɨraja vaerä, jare oñemee ombaemboepɨ oiko vaerä.

JOB 20:16

Oipɨte oiko mboi imbayachi, jare jókuae mbayachi oyukata ko.

SALMOS 120:4

¡Jëia yae vae juvɨ jakuaroviasɨ vae ko oäro! Jare, ¡Urundeɨ jätapɨi ikavi yae vae!

SALMOS 91:6

Agüɨye ekɨɨye mbaerasɨ ovakatu vae pɨtumimbi rupi oguata vae güi, ani ara pe yayoa ñamano jeta rupi vae güi.

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

JEREMÍAS 14:18

Aja yave ñuu kotɨ, aecha tëogüe reta, ñeraro pe omanogüe reta; aike yave tëta guasu pe, aecha jovarurugüe, ñeemombeúa reta jare sacerdote reta ave opa yogüɨraja reta ïru ɨvɨ pe.’ ”

JEREMÍAS 15:3

YandeYa jei: “Ambouta jese reta irundɨ tembiporara ambuaeyee yee vae, jae ko: Omano retata ñeraro pe, jare yaɨmba reta opata ombojaɨ jaɨ, chucha reta jouta, jare mbaeporou reta opata jou.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 8:17

YandeYa jei: “Ambouta peve mboi reta imbayachi yae vae, imbaekuaa vae mbaetɨta ipuere jese reta vae; jókuae mboi reta pesuuta.”

LAMENTACIONES 5:10

Orepire jaku orno rami; oremboaku karuai.

EZEQUIEL 14:15

Ambou yave mbaeporou reta metei ɨvɨ pe, opa vaerä jou jókuae ɨvɨ ipo reta jare oeya ipombae, ngaraa etei kia ikɨ̈reɨ oasa jokoropi, okɨɨye ramo mbaeporou reta güi,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 5:17

Aruta peré karuai, mbaerasɨ ovakatu vae, mano, jare mbaeporou pemokañɨtei vaerä; poyukaukata jeta ñeraro pe. Che peYa jae jökorai.”

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

AMÓS 9:3

Ɨvɨtɨ guasu Carmelo iyapɨte re oñemi yave, joko pe aekata aipɨɨ; yepe mona oñemi tëi chegüi ɨguasu jugua pe, joko pe amondota mboi oichuu vaerä.

MIQUEAS 7:17

¡Ɨvɨ toere reta mboi rami, ipɨtía re oguata vae reta rami! ¡Torɨrɨi toñogüɨnoe jare tokɨɨye reve toyogüeru ndekotɨ, cheYa Tumpa!

HABACUC 3:5

Jenonde yogüeru mbaerasɨ yavaetegüe oporoyuka vae jare jaɨkue takuasɨ.

DEUTERONOMIO 28:22

YandeYa ombouta peve kuperasɨ, taku, ruru, taku guasu, okɨmbae, mbaesusere jare temitɨ mbaerasɨ; kuaekuae mbaetɨta pereeya opa pemokañɨtei regua.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.

DEUTERONOMIO 28:53

Jare peuta peraɨ jare perayɨ yandeYa Tumpa omee peve vae isoo, perovaicho reta peöva yave, oasa ete ma oiporarauka perovaicho peve yave.