DEUTERONOMIO 32:22 - Biblia Guarani Tumpa Iñee

²² Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.

DEUTERONOMIO 32:22 ပူးပေါင်းရင်းမြစ်များ

SALMOS 144:5

CheYa Tumpa, emoɨ̈vɨi ndeara javoi egüeyɨ, egüeyɨ ɨvɨtɨ reta re, jare tijätati.

SALMOS 21:9

Horno jaku yae vae rami reñonota ndearasɨ iara pe. Ndearasɨ pe remboaita, tata pe remokañɨteita.

SALMOS 46:2

Jáeramo, agüɨye yakɨɨye, yepe tëi ɨvɨkana, yepe tëi ɨvɨtɨ guasu opa osururu ɨguasu pe,

SALMOS 83:14

jare tata opa oapɨ ɨvɨtɨ vae rami, tata opaetei kaa omboasavi oeya vae rami.

SALMOS 86:13

Echa ndeporoparareko tuicha yae ko chekotɨ, ¡reroasayepe cherekove omanogüe reta ñogüɨnoia pe aja vaerägüe!

SALMOS 97:3

tata ojo jae jenonde, jare opata oapɨ iyɨ́vɨri tovaicho reta ñogüɨnoi vae.

ISAÍAS 24:6

Jáeramo, yepopeyu opa omokañɨtei ɨvɨ, jaenunga vi pɨpegua reta. Jáeramo, ɨvɨ pegua reta mbovɨ yae opɨta.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 54:10

Yepe ɨvɨtɨ guasu reta osɨrɨta jenda güi, ɨvɨtɨ reta opata osururu, ërei cheporoaɨu ngaraa oyepoepɨ ndegüi, cheporogüɨrökuavee mbɨakatu pegua ave ngaraa opa oyemboai.” Jei yandeYa, iporoparareko ndekotɨ vae.

JEREMÍAS 15:14

Roapoukata nderovaicho reta jembiokuairä, ɨvɨ nde reikuaambaea pe, echa chearasɨ oyepota, tata rami opata nemokañɨtei.”

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

LAMENTACIONES 2:2

YandeYa oporomboai, iñɨ̈rombae reve, iyarasɨ rupi omboai opaete Jacob iñemuña reta jo guakapi pegua, opa omboai ñepɨ̈roka reta Judá pegua. Opa omomichi mborookuaía reta jare mburuvicha reta.

LAMENTACIONES 2:3

Iyarasɨ rupi omboai opaete Israel imbaepuere, oyembosɨrɨ chugüi reta, tovaicho reta oporepeña jese yave. ¡Jacob iñemuña reta kotɨ iyarasɨ oyepota, tata jendɨvuku vae opa mbae omboai rami!

LAMENTACIONES 2:4

Metei tovaicho omoata kavi igüɨrapa vae rami, oyapo katu iyɨva, metei tovaicho oyeapo katu rami, jare omboai, ipöra yae yepi vae; iyarasɨ ombou tata rami, Sión pegua reta jeyupa re.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

EZEQUIEL 19:12

Ërei Tumpa arasɨ rupi oapomondorouka, oyeitɨuka ɨvɨ re, jare ɨvɨtuakuvo omotini, osururu chugüi ia, jäka reta ipoguasu vae yɨpi jare oyeitɨ tata pe.

EZEQUIEL 22:21

Pomboatɨta tëta guasu pe, joko pe ayatapɨta peré chearasɨ yae reve jare opata pomondɨkui.

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

EZEQUIEL 38:19

Echa cherägüɨro jare chearasɨ yae reve jae: Jókuae ara oimeta ɨvɨkana ɨvɨ Israel pe.

LEVÍTICO 26:20

Pepɨ̈rata reta opaiñota peiporu, echa peɨvɨ pe mbaetɨta mbaagüɨye, jare ɨvɨra reta mbaetɨta ia.

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

AMÓS 7:4

YandeYa Tumpa oechauka cheve körai: YandeYa Tumpa oporoenɨi oporojäa vaerä tata rupi; jókuae tata opa omondɨpa ɨguasu jare jeta ñana opa oapɨ.

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

NÚMEROS 16:33

Jökorai jae reta opaete imbaembae ndive oa jekove reve omanogüe reta ñogüɨnoia pe, jare ɨvɨ oyeokenda ye. Jökorai opa okañɨtei reta opaete yatɨ vae reta ipɨte güi.

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 18:9

Jaeramiño vi nderesa oyapouka yave mbaeyoa ndeve, eekɨ emombo ndeyeugüi. Echa jaekaviño ko renoi vaerä tekove nderesa jovaichombae reve tata guasu opambae vae pe mókoi nderesa reve reo vaerägüe güi.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

DEUTERONOMIO 29:20

YandeYa ngaraa oipota iñɨ̈ro chupe, oitɨta iyarasɨ, oata jese opaete yepopeyu reta kuae tembikuatía pe oï vae, yandeYa omokañɨteita iñemuña reta ɨvɨ iárambo güi.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 12:29

echa ñaneTumpa ko tata opaetei oapɨ mbae oeya vae rami vae.